‘ఆంధ్రా కింగ్ తాలూకా’ టీజర్ అప్డేట్ ఇచ్చిన మూవీ మేకర్స్

దిశ, సినిమా: టాలీవుడ్ ఎనర్జిటిక్ హీరో రామ్ పోతినేని(Ram Pothineni), భాగ్యశ్రీ బోర్సే(Bhagyashree Borse) జంటగా నటిస్తున్న లేటెస్ట్ మూవీ ‘ఆంధ్రా కింగ్ తాలూకా’(AndhraKingTaluka). గ్రామీణ ప్రాంత వినోద చిత్రంగా రాబోతుండగా.. ఇంతకు ముందెన్నడూ చూడని విధంగా రామ్ కనిపించబోతున్నాడు. మహేష్ బాబు దర్శకత్వంలో తెరకెక్కుతుండగా.. మైత్రీ మూవీ మేకర్స్ నిర్మిస్తున్నారు. షూటింగ్ పూర్తయ్యే దశలో ఉన్న ఈ సినిమా నవంబర్ 28న ప్రపంచవ్యాప్తంగా విడుదల కానుంది. ఈ నేపథ్యంలో.. మ్యూజికల్ జర్నీ స్టార్ట్ చేసిన మూవీ మేకర్స్ ఇప్పటికే రెండు పాటలను విడుదల చేసి భారీ బజ్ సృష్టించారు.

మొదటి సింగిల్, ‘నువ్వుంటే చాలే’ గాయకుడిగా రామ్ తన గొంతుతో ప్రేక్షకులను మెస్మరైజ్ చేశాడు. ఇక ఇటీవల కాలంలో అతిపెద్ద మ్యూజికల్ హిట్‌లలో ఒకటిగా నిలిచింది. రెండవ ట్రాక్, పప్పీ షేమ్, పూర్తిగా భిన్నమైన వైబ్‌ను తెస్తుంది. ఇది హై-ఎనర్జీ, అప్‌బీట్ నంబర్ అయిన ఈ పాటను కూడా రామ్ పాడాడు. ఇదిలా ఉంటే.. తాజాగా, చిత్రబృందం ‘ఆంధ్రా కింగ్ తాలూకా’ అప్డేట్ రాబోతున్నట్లు అధికారిక ప్రకటన విడుదల చేశారు. ఈ సినిమాకు సంబంధించిన టీజర్ అక్టోబర్ 12న రాబోతున్నట్లు తెలుపుతూ ఓ పోస్టర్‌ను షేర్ చేశారు.

ఇందులో రామ్, భాగ్యశ్రీ నవ్వుతూ, వారి మధ్య ఒక ప్రొజెక్టర్ కాంతి పుంజం ప్రకాశిస్తూ, సినిమాటిక్ థీమ్‌ను సూచిస్తుంది. ఈ పోస్ట్‌కు ‘‘అభిమానులంతా.. మీ జీవితాన్ని మీరు బిగ్ స్క్రీన్‌పై చూసేందుకు సిద్ధంగా ఉన్నారా’’ అనే క్యాప్షన్ జత చేశారు. కాగా.. ఈ చిత్రంలో ఉపేంద్ర, రావు రమేష్, మురళీ శర్మ, సత్య, రాహుల్ రామకృష్ణ, వీటీవీ గణేష్ వంటి అద్భుతమైన నటులు కీలక పాత్రలో కనిపించబోతున్నారు.

link