‘మాలిక్’ సినిమాలో రాజ్ కుమార్ రావుతో రొమాన్స్ చేయనున్న ప్రపంచ సుందరి.. ఫస్ట్ లుక్ విడుదల
బాలీవుడ్ బ్యూటీ మానుషి చిల్లర్(Manushi Chillar) 67వ ప్రపంచ సుందరి మిస్ వరల్డ్ 2017 సంవత్సరంలో కిరీటం గెలుచుకున్న ఆరవ యువతి అయినప్పటికీ మంచి గుర్తింపు తెచ్చుకుంది.
దిశ, సినిమా: బాలీవుడ్ బ్యూటీ మానుషి చిల్లర్(Manushi Chillar) 67వ ప్రపంచ సుందరి మిస్ వరల్డ్ 2017 సంవత్సరంలో కిరీటం గెలుచుకున్న ఆరవ యువతి అయినప్పటికీ మంచి గుర్తింపు తెచ్చుకుంది. ఈ అమ్మడు నటనపై ఆసక్తితో ‘సంరాత్ పృథ్వీరాజ్’ చిత్రంతో ప్రేక్షకుల ముందుకు వచ్చింది. ఆ తర్వాత పలు సినిమాలు చేసిన ఆమె సోషల్ మీడియాలోనూ పలు ఫొటోలు షేర్ చేసి ఫుల్ పాపులారిటీ దక్కించుకుంది. ఇక గత ఏడాది ‘బడే మియాన్ చోటే మియాన్’(Bade Miyan Chote Miyan) మూవీతో ప్రేక్షకులను అలరించింది. ప్రస్తుతం మానుషి చిల్లర్ ‘మాలిక్’(Malik) చిత్రంతో ప్రేక్షకుల ముందుకు రాబోతుంది. అయితే ఇందులో రాజ్ కుమార్ రావు(Raj Kumar Rao) సరసన రొమాన్స్ చేసేందుకు సిద్ధమైంది.
ఇక ఈ విషయాన్ని తెలుపుతూ చిత్రబృందం మానుషి ఫస్ట్ లుక్ పోస్టర్ను కూడా షేర్ చేశారు. ఇందులో రాజ్ కుమార్ పక్కన నిల్చొని నవ్వుతూ అందరినీ మంత్రముగ్దులను చేస్తోంది. అయితే ఈ సినిమా నుంచి ‘నామూకిన్’ సాంగ్ను కూడా విడుదల చేశారు. ఈ యాక్షన్ ప్యాక్డ్ థ్రిల్లర్ చిత్రాన్ని పుల్కిత్ తెరకెక్కిస్తుండగా.. టిప్స్ ఫిల్మ్స్, లైట్ ఫిల్మ్స్ బ్యానర్స్పై నిర్మిస్తున్నారు. ఇందులో రాజ్ కుమార్ రావు రూత్ లెస్ మొరటుతనం స్వభావం గల గ్యాంగ్స్టర్ పాత్రలో నటిస్తుండగా.. హుమా ఖురేషి కీ రోల్ పోషిస్తున్నారు. షూటింగ్ శరవేగంగా జరుపుకుంటున్న ఈ సినిమా జూలై 11న థియేటర్స్లోకి రాబోతుంది.
