సిద్ధూ జొన్నలగడ్డకు జోడీగా మీనాక్షి చౌదరి?
ఈ ప్రతిష్టాత్మక వెబ్ సిరీస్లో మీనాక్షిని తీసుకోవడం పట్ల మేకర్స్ చాలా ఎగ్జైట్గా ఉన్నారు. సిద్ధూ బాడీ లాంగ్వేజ్కు, మీనాక్షి గ్లామర్ అండ్ యాక్టింగ్ తోడైతే ఈ సిరీస్ మరో స్థాయికి వెళ్తుందని ట్రేడ్ వర్గాలు అంచనా వేస్తున్నాయి.
దిశ, సినిమా: టాలీవుడ్ యంగ్ హీరో సిద్ధూ జొన్నలగడ్డ, స్టార్ డైరెక్టర్ వెంకీ అట్లూరి కాంబినేషన్లో నెట్ఫ్లిక్స్ కోసం రూపొందుతున్న భారీ వెబ్ సిరీస్లో మీనాక్షి చౌదరి హీరోయిన్గా ఎంపికవ్వడం ఇప్పుడు ఇండస్ట్రీలో హాట్ టాపిక్గా మారింది. వరుస బ్లాక్ బస్టర్ హిట్లతో దూసుకుపోతున్న ఈ అందాల తార, ఇప్పుడు డిజిటల్ ప్రపంచంలోకి కూడా తనదైన శైలిలో అడుగుపెట్టబోతోంది. గత కొద్ది కాలంగా మీనాక్షి చౌదరి తెలుగులో తిరుగులేని ఫామ్లో ఉంది. ‘సంక్రాంతికి వస్తున్నాం’ సినిమాతో అమ్మడు రేంజ్ మారిపోయింది. కేవలం కమర్షియల్ సినిమాలే కాకుండా, నటనకు అవకాశం ఉన్న పాత్రలను కూడా ఎంచుకుంటూ ప్రేక్షకులకు దగ్గరవుతోంది. అందుకే, ఇప్పుడు ఈ ప్రతిష్టాత్మక వెబ్ సిరీస్లో మీనాక్షిని తీసుకోవడం పట్ల మేకర్స్ చాలా ఎగ్జైట్గా ఉన్నారు. సిద్ధూ బాడీ లాంగ్వేజ్కు, మీనాక్షి గ్లామర్ అండ్ యాక్టింగ్ తోడైతే ఈ సిరీస్ మరో స్థాయికి వెళ్తుందని ట్రేడ్ వర్గాలు అంచనా వేస్తున్నాయి. వీరిద్దరి కాంబినేషన్ స్క్రీన్పై చాలా ఫ్రెష్గా ఉంటుందని టాక్. ఈ వెబ్ సిరీస్ను ప్రముఖ ఓటీటీ దిగ్గజం నెట్ఫ్లిక్స్ భారీ బడ్జెట్తో నిర్మిస్తోంది. గ్లోబల్ ఆడియన్స్ను దృష్టిలో ఉంచుకుని కమర్షియల్ ఎలిమెంట్స్తో ఈ సిరీస్ను తెరకెక్కిస్తున్నారు. ఇప్పటికే తన నటనతో స్టార్ హీరోయిన్గా ఎదిగిన మీనాక్షి చౌదరి, ఈ వెబ్ సిరీస్తో డిజిటల్ ప్లాట్ఫామ్పై తనకంటూ ఒక ప్రత్యేకమైన స్థానాన్ని సంపాదించుకోవడం ఖాయం. ప్రస్తుతం ప్రీ-ప్రొడక్షన్ దశలో ఉన్న ఈ సిరీస్పై ప్రేక్షకుల్లో భారీ అంచనాలు నెలకొన్నాయి. మొత్తానికి, స్టార్ బాయ్ సిద్ధూతో మీనాక్షి చౌదరి ఆన్-స్క్రీన్ రొమాన్స్ చూడటానికి ఫ్యాన్స్ ఆతృతగా ఎదురుచూస్తున్నారు.
