‘ది బెంగాల్ ఫైల్స్’ బోల్డెస్ట్ ట్రైలర్ రాబోతుందంటూ మేకర్స్ పోస్ట్.. గూస్ బంప్స్ను తెప్పిస్తోన్న పవర్ ఫుల్ పోస్టర్
బాలీవుడ్ స్టార్ డైరెక్టర్ వివేక్ అగ్నిహోత్రి (Vivek Agnihotri)దర్శకత్వంలో రాబోతున్న భారీ బడ్జెట్ చిత్రం ‘ది బెంగాల్ ఫైల్స్’(The Bengal Files).
దిశ, సినిమా: బాలీవుడ్ స్టార్ డైరెక్టర్ వివేక్ అగ్నిహోత్రి (Vivek Agnihotri)దర్శకత్వంలో రాబోతున్న భారీ బడ్జెట్ చిత్రం ‘ది బెంగాల్ ఫైల్స్’(The Bengal Files). ఈ సినిమా బ్లాక్ బస్టర్ హిట్ ‘ది కాశ్మీర్ ఫైల్స్’కు సీక్వెల్గా రాబోతున్న విషయం తెలిసిందే. ఈ చిత్రం 1940లలో అవిభక్త బెంగాల్లో జరిగిన మత హింసను ఆధారంగా చేసుకుని తెరకెక్కనుంది. వాటిలో 1946 డైరెక్ట్ యాక్షన్ డే, 1946 నోఖాలి అల్లర్లు , హిందూ మారణహోమం వంటి సంఘటనలు ఇందులో చూపించబోతున్నారు. ఈ సినిమాను అభిషేక్ అగర్వాల్ ఆర్ట్స్ బ్యానర్పై నిర్మిస్తున్నారు. ఇందులో మిథున్ చక్రవర్తి, అనుపమ్ ఖేర్(Anupam Kher), గోవింద్ నామ్దేవ్, పల్లవి జోషి కీలకపాత్రలో నటిస్తున్నారు. షూటింగ్ శరవేగంగా జరుపుకుంటున్న ఈ చిత్రం సెప్టెంబర్ 5న థియేటర్స్లోకి రాబోతుంది.
ఇప్పటికే ఇందులోంచి విడుదలైన పోస్టర్స్, టీజర్ ప్రేక్షకుల్లో అంచనాలు పెంచాయి. ఇక విడుదల తేదీ దగ్గర పడుతుండటంతో మూవీ మేకర్స్ ప్రమోషన్స్ స్టార్ చేసి వరుస అప్డేట్స్ ఇస్తున్నారు. తాజాగా, ఈ సినిమాకు సంబంధించిన ట్రైలర్ రాబోతున్నట్లు ప్రకటించారు. ‘ది బెంగాల్ ఫైల్స్’ బొల్డెస్ట్ ట్రైలర్ ఆగస్టు 16న మధ్యాహ్నం 12 గంటలకు రాబోతున్నట్లు తెలుపుతూ ఓ పవర్ ఫుల్ పోస్టర్ను షేర్ చేశారు. ఇందులో ఓ అమ్మాయి చీర కట్టుకుని జుట్టు చేతిలో ఆయుధాన్ని పట్టుకుని భయంకరంగా కనిపించగా.. ఆమె వెనకాల మంటలు వస్తున్నాయి. ప్రస్తుతం ఈ పోస్టర్ అందరిలో గూస్ బంప్స్ను తెప్పిస్తోంది.
