తెలుగులో కలిసిరాని అదృష్టం.. కోలీవుడ్లో బంపర్ ఆఫర్ అందుకున్న కేతిక శర్మ..
తెలుగు సినిమాల్లో నటించడం నాకు మంచి అనుభవాన్ని ఇచ్చింది. ఇప్పుడు తమిళ చిత్రసీమలోకి అడుగుపెడుతున్నందుకు చాలా సంతోషంగా ఉంది.
దిశ, సినిమా: తెలుగు తెరపై 'రొమాంటిక్' ఎంట్రీతో కుర్రాళ్ల గుండెల్లో సెగలు పుట్టించిన అందాల భామ కేతిక శర్మ, ఇప్పుడు తన అదృష్టాన్ని పరీక్షించుకోవడానికి కోలీవుడ్ బాట పట్టింది. పూరీ జగన్నాథ్ తనయుడు ఆకాష్ పూరీ సరసన నటించిన మొదటి సినిమాతోనే గ్లామర్ పరంగా మంచి మార్కులు కొట్టేసినా, ఈ అమ్మడుకి ఆశించిన స్థాయిలో సక్సెస్ మాత్రం దక్కలేదు. ఆ తర్వాత నాగశౌర్యతో 'లక్ష్య', పంజా వైష్ణవ్ తేజ్తో 'రంగ రంగ వైభవంగా', ఏకంగా పవన్ కళ్యాణ్ సరసన 'బ్రో' వంటి భారీ చిత్రాల్లో నటించినప్పటికీ, ఒక్కటి కూడా బాక్సాఫీస్ వద్ద సరైన హిట్ అవ్వకపోవడం కేతిక కెరీర్కు పెద్ద మైనస్గా మారింది. ఇక గత ఏడాది విడుదలైన సింగిల్, రాబిన్ హుడ్ చిత్రాలు కూడా డిజాస్టర్లుగా నిలవడంతో తెలుగులో ఈమెకు అవకాశాలు తగ్గుముఖం పట్టాయి. దీంతో ఈ క్రేజీ బ్యూటీ ఇప్పుడు తమిళ చిత్ర పరిశ్రమపై కన్నేసింది. అక్కడ మ్యూజిక్ డైరెక్టర్ కమ్ హీరో హిప్ హాప్ తమిళ ఆది దర్శకత్వంలో రూపొందుతున్న ‘మీసయ మురుక్కు-2’ సినిమాలో హీరోయిన్గా అవకాశం దక్కించుకుంది.
ఈ సినిమాలో ‘ఆర పత్తుక్కు పత్తు’ అనే మాస్ సాంగ్లో కేతిక వేసిన స్టెప్పులు ఇప్పుడు సోషల్ మీడియాలో విపరీతంగా వైరల్ అవుతున్నాయి. కేతిక గ్లామర్ చూసిన తమిళ తంబీలు ఇప్పటికే ఫిదా అయిపోతున్నారు. ఈ క్రమంలో.. తాజాగా జరిగిన ఓ కార్యక్రమంలో కేతిక శర్మ తన కొత్త ప్రయాణం గురించి ఆసక్తికర వ్యాఖ్యలు చేసింది. "తెలుగు సినిమాల్లో నటించడం నాకు మంచి అనుభవాన్ని ఇచ్చింది. ఇప్పుడు తమిళ చిత్రసీమలోకి అడుగుపెడుతున్నందుకు చాలా సంతోషంగా ఉంది. ఇక్కడ కూడా నా నటనతో ప్రేక్షకులను మెప్పించి, ఒక టాప్ హీరోయిన్గా స్థిరపడాలని కోరుకుంటున్నాను. తమిళ అభిమానుల ప్రేమను పొందేందుకు ఎంతో ఆసక్తిగా ఎదురుచూస్తున్నాను" అని చెప్పుకొచ్చింది. ఈ వ్యాఖ్యలు విన్న నెటిజన్లు రకరకాలుగా స్పందిస్తున్నారు. "తెలుగులో ఎలాగో ఒక్క హిట్ కొట్టలేకపోయావు.. కనీసం కోలీవుడ్లో అయినా అగ్ర నటిగా ఎదగాలి" అంటూ కేతికకు ఆల్ ది బెస్ట్ చెబుతున్నారు. మరి ఈ తమిళ సినిమాతో కేతిక దశ తిరుగుతుందో లేదో చూడాలి.
బాలయ్య బ్యూటీకి చేదు అనుభవం.. హద్దు దాటిన ఆకతాయిల ప్రవర్తన
