నానితో మరోసారి రొమాన్స్ చేయనున్న డిజాస్టర్ హీరోయిన్ ?

దిశ, వెబ్ డెస్క్: టాలీవుడ్ న్యాచురల్ స్టార్ నానికి ( Nani ) ఉన్న క్రేజ్ అంతా ఇంతా కాదు. ఆయన సినిమా రిలీజ్ అయింది అంటే మినిమం గ్యారెంటీ ఉంటుంది. బంపర్ హిట్ అయిన కొడతారు... లేదా కలెక్షన్స్ వసూలు చేస్తారు. అలాంటి హీరో నాని ప్రస్తుతం ది ప్యారడైజ్ సినిమాతో (The Paradise ) బిజీగా ఉన్న సంగతి తెలిసిందే. అయితే ఈ సినిమా నుంచి ఇప్పటికే... ఫస్ట్ లుక్ తో పాటు... చిన్నపాటి టీజర్ కూడా వచ్చింది. ఇందులో తెలంగాణ యాస, భాష ఉన్నట్లు స్పష్టంగా అర్థమవుతుంది. అయితే... దర్శకుడు శ్రీకాంత్ ఓదెల ( Srikanth Odela ) తీస్తున్న ఈ సినిమాలో.. హీరోయిన్ ఎవరు అనే దాని పైన తీవ్రమైన చర్చ జరుగుతోంది.

దసరా సినిమా కోసం కీర్తి సురేష్ ను ( Keerthy Suresh) రంగంలోకి దింపారు. అయితే ఇప్పుడు కొత్త హీరోయిన్... కోసం వెతుకుతుందట చిత్ర బృందం. అయితే ఇందులో హీరో నాని సరసన ఉప్పెన బ్యూటీ కృతి శెట్టిని ( Kriti Shetty) తీసుకుంటే బాగుంటుందని సంప్రదింపులు చేశారట. ఈ విషయంలో భాగంగానే... హీరోయిన్ కృతి శెట్టితో ( Kriti Shetty ) దర్శకుడు శ్రీకాంత్ కూడా చర్చించినట్లు వార్తలు వస్తున్నాయి.

దీనికి హీరోయిన్ కృతి శెట్టి కూడా గ్రీన్ సిగ్నల్ ఇచ్చిందని సమాచారం. అయితే రెమ్యూనరేషన్ దగ్గరే... కాస్త అటు ఇటుగా ఉందట హీరోయిన్ కృతి శెట్టి. ఆ ఒక్కటి క్లియర్ అయితే.. అధికారిక ప్రకటన కూడా రానున్నట్లు తెలుస్తోంది. ఇప్పటికే కృతి శెట్టి, నాని కాంబో లో శ్యామ్ సింగ రాయి సినిమా వచ్చిన సంగతి తెలిసిందే. ఇక ది ప్యారడైజ్ సినిమా వచ్చే ఏడాది ఎండాకాలంలో రిలీజ్ కానుంది.