కింగ్ ఆఫ్ మెలోడీ రిటర్న్స్.. ‘చెన్నై లవ్ స్టోరీ’ ఫస్ట్ సింగిల్తో మ్యాజిక్ చేయనున్న మణిశర్మ!
కింగ్ ఆఫ్ మెలోడీ రిటర్న్స్ అంటూ వచ్చిన ఈ అప్డేట్ మ్యూజిక్ లవర్స్లో జోష్ నింపింది.
దిశ, సినిమా: టాలీవుడ్ యంగ్ హీరో కిరణ్ అబ్బవరం ప్రస్తుతం వరుస విజయాలతో దూసుకుపోతున్నారు. గత ఏడాది ‘క’ (KA) సినిమాతో కెరీర్లోనే బిగ్గెస్ట్ బ్లాక్ బస్టర్ హిట్ అందుకున్న కిరణ్, ఇప్పుడు తన తదుపరి చిత్రం ‘చెన్నై లవ్ స్టోరీ’తో ప్రేక్షకుల ముందుకు వచ్చేందుకు సిద్ధమవుతున్నారు. ఈ చిత్రానికి రవి నంబూరి దర్శకత్వం వహిస్తుండగా, ‘బేబీ’ వంటి సెన్సేషనల్ హిట్ ఇచ్చిన దర్శకుడు సాయి రాజేష్ ఈ సినిమాకు కథను అందించడం విశేషం. అంతేకాకుండా, టాలీవుడ్ సక్సెస్ఫుల్ ప్రొడ్యూసర్ ఎస్.కె.ఎన్ (SKN) తో కలిసి సాయి రాజేష్ ఈ చిత్రాన్ని సంయుక్తంగా నిర్మిస్తున్నారు. ఈ చిత్రంతో కిరణ్ అబ్బవరం సరసన ‘మ్యాడ్’ ఫేమ్ తెలుగమ్మాయి శ్రీ గౌరీ ప్రియ హీరోయిన్గా నటిస్తోంది. వీరిద్దరి కెమిస్ట్రీ వెండితెరపై కొత్తగా ఉండబోతోందని చిత్ర యూనిట్ ధీమా వ్యక్తం చేస్తోంది.
సంగీత ప్రియులకు ఈ సినిమా ఒక విందు కాబోతోంది. ఎందుకంటే, మెలోడీ బ్రహ్మ మణిశర్మ ఈ చిత్రానికి సంగీతం అందిస్తున్నారు. చాలారోజుల తర్వాత మణిశర్మ తన మార్క్ మెలోడీలతో మ్యాజిక్ చేయబోతున్నారు. తాజాగా, ఈ సినిమా నుంచి మార్చి 30న ఫస్ట్ సింగిల్ విడుదల చేయబోతున్నట్లు మేకర్స్ అధికారికంగా ప్రకటించారు. "కింగ్ ఆఫ్ మెలోడీ రిటర్న్స్" అంటూ వచ్చిన ఈ అప్డేట్ మ్యూజిక్ లవర్స్లో జోష్ నింపింది. ప్రస్తుతం ఈ సినిమా షూటింగ్ శరవేగంగా జరుగుతోంది. వేసవి సెలవులను టార్గెట్ చేస్తూ, సమ్మర్ కానుకగా ఈ ‘చెన్నై లవ్ స్టోరీ’ని థియేటర్లలోకి తీసుకురావాలని నిర్మాతలు ప్లాన్ చేస్తున్నారు. ప్రేమ కథా చిత్రాలను ఇష్టపడే యువతకు ఈ చిత్రం ఒక మంచి ట్రీట్ కానుంది. ఇక ఈ మూవీతో కిరణ్ అబ్బవరం ఖాతాలో మరో హిట్ ఖాయమని ఫ్యాన్స్ నమ్మకంగా ఉన్నారు.
