చేతి కర్ర సహాయంతో నడుస్తూ కనిపించిన కాజోల్.. ఆందోళనలో అభిమానులు

దిశ, సినిమా: బాలీవుడ్ సీనియర్ హీరోయిన్ కాజోల్ గురించి పరిచయం అక్కర్లేదు. చిన్న వయసులోనే సినిమా ఇండస్ట్రీకి ఎంట్రీ ఇచ్చి అద్భుతమైన హిట్స్ అందుకుంది. ప్రస్తుతం సెకండ్ ఇన్నింగ్స్‌ కూడా ప్రారంభించిన కాజోల్.. వరుస చిత్రాలు, వెబ్ సిరీస్‌లతో దూసుకుపోతుంది. అయితే తాజాగా ఈ నటి చేతి కర్ర సహాయంతో నడుస్తున్న వీడియో సోషల్ మీడియాలో వైరల్‌గా మారింది. ఈ వీడియోలో చేతి కర్రతో మెల్లిగా తన కారు వద్దకు నడుచుకుంటూ వెళ్లింది. కాగా తన కాలికి పెద్ద గాయం తగిలిందని, అందుకే ఈ పరిస్థితి తలెత్తిందని తెలుస్తోంది. ఇక ఆ వీడియో చూసిన ఆమె అభిమానులు జాగ్రత్తలు చెబుతున్నారు.