‘జటాధర’ టీజర్ రిలీజ్.. పవర్ ఫుల్ లుక్‌లో కనిపించి భయబ్రాంతులకు గురి చేస్తున్న స్టార్ బ్యూటీ (వీడియో)

దిశ, సినిమా: టాలీవుడ్ హీరో సుధీర్ బాబు (Sudheer Babu)నటిస్తున్న లేటెస్ట్ చిత్రం ‘జటాధర’(Jatadhara). ఈ సినిమాకు వెంకటేష్ కళ్యాణ్, అభిషేక్ జైస్వాల్ దర్శకత్వం వహిస్తున్నారు. దీనిని జీ స్టూడియోస్, ప్రేరణ అరోరా సంయుక్తంగా నిర్మిస్తున్నారు. ఇందులో బాలీవుడ్ స్టార్ బ్యూటీ సోనాక్షి సిన్హా(Sonakshi Sinha) కీలక పాత్రలో కనిపించనుంది. డివోషనల్ బ్యాక్ డ్రాప్‌లో రాబోతున్న ఈ మూవీ షూటింగ్ శరవేగంగా జరుగుతోంది. ఇప్పటికే ‘జటాధర’ సినిమా నుంచి వచ్చిన పోస్టర్స్ ఊహించని రెస్పాన్స్‌ను దక్కించుకున్నాయి. తెలుగు, తమిళ భాషల్లో రాబోతున్న ఈ చిత్రం నుంచి మూవీ మేకర్స్ వరుస అప్డేట్స్ విడుదల చేస్తున్నారు.

ఈక్రమంలో.. తాజాగా, చిత్రబృందం.. ‘జటాధర’ టీజర్ విడుదల చేశారు. ఇక ఇందులో ఓ భూత్ బంగ్లా చూపించగా.. అందులో సోనాక్షి సిన్హా బంగారు ఆభరణాలతో పవర్ ఫుల్ లుక్‌లో కనిపించగా.. సాధారణమైన మనిషి అయిన సుధీర్ బాబుతో కలబడుతోంది. ఇందులో ఈ అమ్మడు విలన్ పాత్రలో నటించి అందరిని ఆశ్చర్యానికి గురి చేసింది. డిఫరెంట్ లుక్స్‌తో ప్రేక్షకులను భయబ్రాంతులకు గురి చేస్తోంది. అమ్మడు లక్స్ చూస్తేనే గూస్ బంప్స్ వస్తున్నాయంటూ నెటిజన్లు కామెంట్స్ చేస్తున్నారు. ప్రస్తుతం ‘జటాధర’ టీజర్ సోషల్ మీడియాలో వైరల్ అవుతోంది..