ఇట్స్ అఫీషియల్.. ఓటీటీలోకి రాబోతున్న హారర్ థ్రిల్లర్ ‘ది భూతిని’.. స్ట్రీమింగ్ ఎందులోనంటే?
బాలీవుడ్ బ్యూటీ మౌని రాయ్(Mouni Roy) ‘నాగిని’ సీరియల్ ద్వారా విపరీతమైన పాపులారిటీని సొంతం చేసుకుంది.
దిశ, సినిమా: బాలీవుడ్ బ్యూటీ మౌని రాయ్(Mouni Roy) ‘నాగిని’ సీరియల్ ద్వారా విపరీతమైన పాపులారిటీని సొంతం చేసుకుంది. ఇక నటనపై ఆసక్తితో ఇండస్ట్రీకి పరిచయం అయింది. హిందీలో బ్యాక్ టు బ్యాక్ సినిమాలు చేస్తూ క్రేజీ బ్యూటీగా మారింది. హీరోయిన్గా, క్యారెక్టర్ ఆర్టిస్ట్ నటిస్తూ తన నటనతో ప్రేక్షకులను మెస్మరైజ్ చేస్తోంది. మౌనీ రాయ్ ప్రధాన పాత్రలో నటించిన సినిమా ‘ది భూతిని’(The Bhootini). సంజయ్ దత్, సన్నీ సింగ్, పాలక్ తివారి(Palak Tiwari) కీలక పాత్రలో కనిపించారు. సిద్దాంత్ కుమార్ సచ్దేవ్ దర్శకత్వంలో తెరకెక్కింది.
అయితే ఈ చిత్రాన్ని సంజయ్ దత్, దీపక్ ముకుత్ నిర్మించారు. హారర్ థ్రిల్లర్ కథతో ఈ సినిమా మే 1న థియేటర్స్లో విడుదలై పాజిటివ్ టాక్ను సొంతం చేసుకుంది. తాజాగా, ‘ది భూతిని’ సినిమా డిజిటల్ స్ట్రీమింగ్కు సిద్ధమైంది. ఈ విషయాన్ని తెలుపుతూ ప్రముఖ సంస్థ ట్విట్టర్ ద్వారా ఓ పోస్ట్ పెట్టింది. ఈ చిత్రానికి సంబంధించిన ఓటీటీ హక్కులను ప్రముఖ సంస్థ జీ5 సొంతం చేసుకోగా జూలై 18న నుంచి స్ట్రీమింగ్ అందుబాటులోకి రాబోతుంది. అంతేకాకుండా అదే రోజున రాత్రి 8 గంటలకు టీవీల్లో కూడా రాబోతున్నట్లు ట్విట్టర్ ద్వారా వెల్లడించారు. ఇక ఈ విషయం తెలుసుకున్న సినీ ప్రియులు ఫుల్ ఖుషీ అవుతున్నారు.
