‘పుష్ప -2’ కోసం అల్లు అర్జున్ ఇంతగా కష్టపడుతున్నాడా.. నిజంగా హాట్సాఫ్..!

దిశ, సినిమా: టాలీవుడ్ నుంచి విడుదలకు సిద్ధంగా ఉన్న పాన్ ఇండియా చిత్రాల్లో ‘పుష్ప2’ ఒకటి. స్టైలిష్ స్టార్ అల్లు అర్జున్ నటిస్తున్న ఈ మూవీ కోసం అభిమానులంతా ఎంతో ఆత్రుతగా ఎదురుచూస్తున్నారు. సుకుమార్ తెరకెక్కిస్తున్న ఈ సినిమా వచ్చే ఏడాది ఆగస్టు 15న ప్రేక్షకుల ముందుకు రానున్నట్లు ఆల్రెడీ చిత్రబృందం ప్రకటించడం జరిగింది. దీంతో శరవేగంగా షూటింగ్ పూర్తి చేసుకుంటుంది మూవీ టీం. అయితే తాజాగా ఓ ఇంటర్వ్యూలో మాట్లాడిన బన్ని.. ఈ మూవీ కోసం తను ఎంత కష్టపడుతున్నాడో చెప్పుకొచ్చాడు.

‘ఇప్పుడు నేను ‘పుష్ప2’ సినిమా షూటింగ్ నుంచే వచ్చాను. ప్రజంట్ రామోజీ ఫిలిం సిటీలో షూటింగ్ జరుగుతోంది. లాస్ట్ టైం రిలీజ్ చేసిన జాతర పోస్టర్ ను అందరు చూశారు కదా. ఆ జాతర సీన్ షాట్ షూటింగ్ జరుగుతోంది. ఈ గెటప్ కోసం నేను చాలా కష్టపడాను. ఈ మేకప్ కోసం రెండు గంటల సమయం పడుతుంది. మేకప్ తీయడానికి కూడా అంతే సమయం పడుతోంది’ అంటూ చెప్పుకొచ్చాడు. ఇక ఇది విన్న అభిమానులు అల్లు అర్జున్ డెడికేషన్ కు హాట్సాఫ్ చెప్తున్నారు.