ఇంటికి ఆ గోలను తీసుకెళ్లను.. శ్రీలీల సంచలన వ్యాఖ్యలు
కెమెరా ముందు పాత్రలో లీనమవ్వడం ఎంత ముఖ్యమో, ప్యాకప్ చెప్పాక ఆ పాత్ర నుంచి బయటకు రావడం కూడా అంతే ముఖ్యం.
దిశ, సినిమా: టాలీవుడ్ సెన్సేషన్, డ్యాన్సింగ్ క్వీన్ శ్రీలీల ప్రస్తుతం కెరీర్ పరంగా గోల్డెన్ పీరియడ్ను ఎంజాయ్ చేస్తోంది. ఇప్పటికే ఎంబీబీఎస్ (MBBS) పూర్తి చేసి డాక్టర్ పట్టా అందుకున్న ఈ బ్యూటీ, ఇప్పుడు వెండితెరపై తన నటనతో మ్యాజిక్ చేస్తోంది. ఒకవైపు వరుస ప్రాజెక్టులతో బిజీగా ఉంటూనే, తన వ్యక్తిగత జీవితాన్ని, వృత్తిని అద్భుతంగా బ్యాలెన్స్ చేస్తూ ఇండస్ట్రీలో క్రేజీ హీరోయిన్గా రాణిస్తోంది. తాజాగా.. ఓ ఇంటర్వ్యూలో పాల్గొన్న శ్రీలీల, గ్లామర్ ప్రపంచంలో తాను ఎదుర్కొంటున్న పని ఒత్తిడి, దాని నుంచి ఎలా బయటపడతాననే ఆసక్తికర విషయాలను పంచుకుంది. తన పని విధానం గురించి శ్రీలీల స్పందిస్తూ.. "ఒక పాత్రలో లీనమవ్వడం ఎంత ముఖ్యమో, దాని నుంచి బయటకు రావడం కూడా అంతే ముఖ్యం. షూటింగ్ ఒత్తిడి నుంచి బయటపడటానికి నేను కొన్ని చిన్న చిన్న అలవాట్లను చేసుకున్నాను. మంచి సంగీతం వినడం, కాసేపు ఒంటరిగా గడపడం లేదా ఫ్యామిలీ మెంబర్స్తో వీడియో కాల్లో మాట్లాడటం నాకు చాలా రిలీఫ్ని ఇస్తుంది" అని వివరించింది.
అంతేకాకుండా, తన ప్రశాంతతను ఎలా కాపాడుకుంటుందో చెబుతూ.. "నేను పని ఒత్తిడిని ఎప్పుడూ ఇంటికి తీసుకెళ్లకూడదని గట్టిగా ప్రయత్నిస్తాను. ఒకవేళ పొరపాటున అలా జరిగినా, పైన చెప్పిన చిన్న చిన్న పద్ధతులు నన్ను మళ్లీ మామూలు స్థితికి తీసుకువస్తాయి. కొన్నిసార్లు పరిస్థితులకు అనుగుణంగా మనల్ని మనం సర్దుబాటు చేసుకుంటూ ముందుకు సాగడమే ఏకైక మార్గం" అని తన మెచ్యూరిటీని చాటుకుంది. ఇక సినిమాల విషయానికి వస్తే.. శ్రీలీల ఇప్పుడు కేవలం తెలుగుకే పరిమితం కాకుండా నేషనల్ లెవల్లో సెన్సేషన్ క్రియేట్ చేస్తోంది. కోలీవుడ్ స్టార్ హీరో ధనుష్ సరసన 'D-55' చిత్రంలో హీరోయిన్గా నటిస్తోంది. రాజ్ కుమార్ పెరియసామి దర్శకత్వంలో వస్తున్న ఈ ప్రాజెక్ట్ పై భారీ అంచనాలు ఉన్నాయి. దీనికి తోడు, బాలీవుడ్ టాప్ డైరెక్టర్ అనురాగ్ బసు సినిమాలో నటించే ఛాన్స్ కొట్టేసి హిందీ ప్రేక్షకులను అలరించేందుకు సిద్ధమైంది. ఇలా ఒకేసారి సౌత్ ,నార్త్ ఇండస్ట్రీలను ఏలుతున్న శ్రీలీల కెరీర్ గ్రాఫ్ ఇప్పుడు పీక్స్ స్టేజ్లో ఉంది.
