నటిగా మారాకే మనుషులతో మాట్లాడటం నేర్చుకున్నాను.. తారా సుతారియా ఎమోషనల్ కామెంట్స్

దిశ, సినిమా: బాలీవుడ్ నటి తారా సుతారియా తన వ్యక్తిగత జీవితం, తన కవల సోదరి పియా సుతారియాతో ఉన్న అనుబంధం గురించి సంచలన విషయాలను పంచుకున్నారు. రియా చక్రవర్తి నిర్వహిస్తున్న ‘చాప్టర్ 2’ పాడ్‌కాస్ట్‌లో అతిథిగా పాల్గొన్న తార, గ్లామర్ ప్రపంచానికి దూరంగా తన అసలు వ్యక్తిత్వం ఎలా ఉంటుందో వివరించారు. తార సుతారియా తన సోదరి పియా గురించి మాట్లాడుతూ.. "పియా, నేను కవలలమే అయినప్పటికీ మా ఇద్దరి రూపురేఖలు, ఆలోచనలు చాలా భిన్నంగా ఉంటాయి. పియా చాలా కాన్ఫిడెంట్‌గా ఉంటుంది. చిన్నప్పుడు నేను చాలా సిగ్గుపడేదాన్ని, అందుకే ఎప్పుడూ తన వెనుక దాక్కోవడానికి ప్రయత్నించేదాన్ని. పియా పక్కన ఉంటేనే నాకు ధైర్యంగా ఉండేది" అని తెలిపారు.

తమ స్కూల్ రోజుల్లోని ఒక చేదు అనుభవాన్ని గుర్తు చేసుకుంటూ.. "మేము నాలుగో తరగతి వరకు ఒకే సెక్షన్‌లో ఉన్నాం. ఆ తర్వాత టీచర్లు మమ్మల్ని వేరు చేయాలని నిర్ణయించుకున్నప్పుడు నేను కుంగిపోయాను. పియా లేకపోతే నాకు గుర్తింపే లేదని భావించి రోజులు తరబడి ఏడ్చాను" అని ఎమోషనల్ అయ్యారు. నటిగా మారిన తర్వాతే తాను మనుషులతో మాట్లాడటం నేర్చుకున్నానని ఆమె ఈ సందర్భంగా చెప్పుకొచ్చారు. ఇక సినిమాల విషయానికి వస్తే, తారా సుతారియా ప్రస్తుతం కన్నడ రాకింగ్ స్టార్ యష్ సరసన ‘టాక్సిక్’ అనే భారీ పాన్-ఇండియా చిత్రంలో నటిస్తున్నారు. గీతూ మోహన్ దాస్ దర్శకత్వంలో తెరకెక్కుతున్న ఈ యాక్షన్ ఎంటర్టైనర్‌లో తార ఒక కీలక పాత్రలో కనిపించనుంది. జూన్ 4, 2026న ప్రపంచవ్యాప్తంగా విడుదల కానున్న ఈ సినిమా కోసం తారా ఎగ్జైటింగ్‌గా ఎదురుచూస్తున్నట్లు తెలిపింది.