నన్ను నేను పరిపూర్ణం చేసుకోవడానికి పురుషుడు అవసరం లేదు.. పుకార్లకు చెక్ పెట్టిన Malaika Arora
ఒకవేళ నేను ఎవరితోనైనా ఉండాలనుకుంటే, అది పూర్తిగా నా వ్యక్తిగత నిర్ణయం కాబట్టి అది ఎవరితో చెప్పాల్సిన అవసరం లేదు
దిశ, సినిమా: బాలీవుడ్ హాట్ బ్యూటీ మలైకా అరోరా నిత్యం వార్తల్లో నిలుస్తుంటుంది. 50 ఏళ్ల వయసులోనూ కుర్ర హీరోయిన్లకు గట్టి పోటీ ఇచ్చే ఈ బ్యూటీ పర్సనల్ లైఫ్ ఎప్పుడూ హాట్ టాపిక్కే. అర్జున్ కపూర్తో బ్రేకప్ తర్వాత ఆమె ఎవరితో కనిపించినా, అది సోషల్ మీడియాలో ఒక పెద్ద సెన్సేషన్ అయిపోతోంది. ఇటీవల మలైకా ఓ వ్యక్తితో డేటింగ్లో ఉందంటూ పలు వార్తలు జోరందుకున్నాయి. ఈక్రమంలో.. తాజాగా తనపై వస్తున్న డేటింగ్ వార్తలపై మలైకా తనదైన శైలిలో గట్టి కౌంటర్ ఇచ్చింది. సాధారణంగా ఇలాంటి వార్తలు వస్తే సెలబ్రిటీలు కంగారు పడతారు, కానీ మలైకా మాత్రం చాలా కూల్గా స్పందించింది. "ప్రతి చిన్న విషయానికి నన్ను ఎవరితోనో ఒకరితో ముడిపెట్టడం నిజంగా చిరాకు తెప్పిస్తుంది. కానీ ఇప్పుడు నేను వాటిని ఒక జోక్లా చూస్తున్నాను. నా కొడుకు అర్హాన్ ఖాన్, నేను కలిసి కూర్చుని ఈ పిచ్చి వార్తలు చూసి తెగ నవ్వుకుంటాం.
మా మధ్య అలాంటి దాపరికాలు లేవు" అని ఆమె చెప్పుకొచ్చారు. ఒక సింగిల్ మదర్గా తన సామ్రాజ్యాన్ని తానే నిర్మించుకున్నానని మలైకా గర్వంగా ప్రకటించారు. "చిన్నప్పటి నుంచి నేను ఎవరిపైనా ఆధారపడి బతకలేదు. నా స్వయంకృషితో ఎదిగిన మహిళని. నా జీవితాన్ని పరిపూర్ణం చేసుకోవడానికి నాకు ఒక మగవాడి తోడు ఉండాల్సిన అవసరం లేదు. తోడు అనేది అందమైన విషయమే, కానీ నేను దాని కోసం ఆరాటపడటం లేదు. ఒకవేళ నేను ఎవరితోనైనా ఉండాలనుకుంటే, అది పూర్తిగా నా వ్యక్తిగత నిర్ణయం కాబట్టి అది ఎవరితో చెప్పాల్సిన అవసరం లేదు" అంటూ పవర్ఫుల్ స్టేట్మెంట్ ఇచ్చింది. ఈ కామెంట్స్తో డేటింగ్ పుకార్లు చెక్ పెట్టడంతో పాటు తనను విమర్శిస్తున్న వారికి స్ట్రాంగ్ కౌంటర్ కూడా ఇచ్చింది.
