హీరోయిన్ మాస్ డైలాగ్స్.. సూర్య క్లాస్ లుక్స్.. క్యూరియాసిటీ పెంచుతున్న ‘విశ్వనాథ్ అండ్ సన్స్’ టీజర్

దిశ, సినిమా: కోలీవుడ్ స్టార్ హీరో సూర్య, టాలెంటెడ్ డైరెక్టర్ వెంకీ అట్లూరీ కాంబినేషన్‌లో వస్తున్న మోస్ట్ అవేటెడ్ మూవీ ‘విశ్వనాథ్ అండ్ సన్స్’ టీజర్ విడుదలై సోషల్ మీడియాలో సెన్సేషన్ క్రియేట్ చేస్తోంది. ఈ సినిమాలో సూర్య ‘సంజయ్ విశ్వనాథ్’ అనే పవర్‌ఫుల్, ఎమోషనల్ పాత్రలో కనిపిస్తున్నారు. టీజర్ ప్రారంభం నుంచే సూర్య తనదైన వింటేజ్ లుక్, గ్రేస్‌తో ప్రేక్షకులను కట్టిపడేశారు. 40 ఏళ్ల వయసులో కూడా తన కలలను వదలకుండా ముందుకు సాగుతున్న వ్యక్తిగా అతడిని పరిచయం చేశారు. సూర్య ఈ సినిమాలో తండ్రి ప్రేమ, భావోద్వేగ లోతు రెండూ కలిసిన ఒక గాఢమైన పాత్రలో కనిపిస్తున్నారు. సితార ఎంటర్‌టైన్‌మెంట్స్ నిర్మిస్తున్న ఈ చిత్రం.. టీజర్‌తో అంచనాలు ఒక్కసారిగా రెట్టింపయ్యాయి. ఈ టీజర్‌లో సూర్య, మమితా బైజు మధ్య ఉన్న కెమిస్ట్రీ ప్రత్యేక ఆకర్షణగా నిలిచింది . సూర్య కంటే వయసులో దాదాపు 20 ఏళ్లు చిన్నదైన హీరోయిన్, మాస్ డైలాగ్స్, చిలిపి చేష్టలతో సూర్య వెంట పడటం ఆసక్తికరంగా ఉంది.

తన ప్రేమను గెలుచుకోవడానికి ఆమె చేసే ప్రయత్నాలు, సూర్యను ఆటపట్టించే విధానం ప్రేక్షకులను అలరిస్తున్నాయి. ముఖ్యంగా ఆమెలోని మాస్ యాంగిల్ అందరి హృదయాలను గెలుచుకుంటోంది. అయితే, ఈ ప్రేమకథలో ఒక బలమైన ఎమోషనల్ ట్విస్ట్‌ను టీజర్‌లో చూపించారు. హీరోయిన్ ఎంతగా ప్రేమించి వెంటపడినప్పటికీ, సంజయ్ విశ్వనాథ్ మాత్రం ఆమెపై కనీసం కనికరం కూడా చూపించడు. తనను పెళ్లి చేసుకునేందుకు ససేమిరా అని ఒప్పుకోకుండా దూరంగా ఉండే సీన్లు సినిమా కథపై క్యూరియాసిటీని పెంచుతున్నాయి. మధ్యవయస్కుడైన ఒక వ్యక్తి తనకంటే చాలా చిన్నదైన అమ్మాయి ప్రేమను ఎందుకు నిరాకరిస్తున్నాడనేది ఈ చిత్రంలో ప్రధానాంశంగా ఉండబోతున్నట్లు అర్థమవుతోంది. షూటింగ్ శరవేగంగా జరుపుకుంటున్న ఈ సినిమాను మూవీ మేకర్స్ జూలై నెలలో థియేటర్స్‌లోకి తీసుకురాబోతున్నారు.