ఆమె చిరునవ్వు మరువలేనిది మ్యాజిక్ చేస్తుంది.. ‘శ్రీనివాస మంగాపురం’ నుంచి మంగ స్పెషల్ వీడియో రిలీజ్
మె చిరునవ్వు సరళమైనది, కానీ అందులోని మాధుర్యం మరువలేనిది.. కచ్చితంగా మ్యాజిక్ చేస్తుంది.
దిశ, సినిమా: సూపర్స్టార్ కృష్ణ గారి వారసుడిగా, మహేష్ బాబు అన్న కొడుకు ఘట్టమనేని జయకృష్ణ వెండితెరకు పరిచయం కాబోతున్న సంగతి తెలిసిందే. ‘మంగళవారం’ ‘ఆర్ఎక్స్ 100’ చిత్రాలతో సెన్సేషన్ క్రియేట్ చేసిన దర్శకుడు అజయ్ భూపతి ఈ చిత్రాన్ని తెరకెక్కిస్తున్నారు. ‘శ్రీనివాస మంగాపురం’ అనే ఆసక్తికరమైన టైటిల్తో రాబోతున్న ఈ సినిమా ద్వారా జయకృష్ణ టాలీవుడ్లో తన అదృష్టాన్ని పరీక్షించుకోబోతున్నారు. ఈ చిత్రంలో హీరోయిన్గా బాలీవుడ్ సీనియర్ నటి రవీనా టాండన్ కుమార్తె రాషా తడానీ నటిస్తున్నారు. నేడు ఆమె పుట్టినరోజు కావడంతో, చిత్ర యూనిట్ ఆమెకు శుభాకాంక్షలు తెలుపుతూ ఒక స్పెషల్ వీడియోను సోషల్ మీడియాలో విడుదల చేసింది. ఈ వీడియోలో రాషా చాలా అందంగా, డెబ్యూ హీరోయిన్కి ఉండాల్సిన అన్ని కళలతో కనిపిస్తోంది. అయితే ఇందులో ఈ భామ మంగ పాత్రలో నటిస్తోంది.
ఇక ఈ వీడియోను షేర్ చేస్తూ మేకర్స్ ఒక ఆసక్తికరమైన క్యాప్షన్ జత చేశారు. "ఆమె చిరునవ్వు సరళమైనది, కానీ అందులోని మాధుర్యం మరువలేనిది.. కచ్చితంగా మ్యాజిక్ చేస్తుంది" అంటూ రాషా అందాన్ని, ఆమె నవ్వును పొగిడేశారు. కేవలం ఈ ఒక్క మాటతోనే సినిమాలో ఆమె పాత్ర ఎంత హుందాగా, క్యూట్గా ఉండబోతుందో హింట్ ఇచ్చారు. ప్రస్తుతం ఈ వీడియో నెట్టింట వైరల్ అవుతోంది. అది చూసిన ఘట్టమనేని అభిమానులు కూడా రాషాకు పుట్టినరోజు శుభాకాంక్షలు చెబుతూ, ఈ జోడీ కెమిస్ట్రీ చూసేందుకు ఆసక్తి కనబరుస్తున్నారు. అజయ్ భూపతి తన సినిమాల్లో హీరోయిన్ పాత్రలకు చాలా ప్రాధాన్యత ఇస్తారు. ఈ క్రమంలోనే రాషా తడానీని టాలీవుడ్కు పరిచయం చేస్తుండటంతో, ఆమె పాత్ర చుట్టూనే కథ తిరిగే అవకాశం ఉందని ట్రేడ్ వర్గాలు భావిస్తున్నాయి. ఘట్టమనేని ఫ్యామిలీ నుండి వస్తున్న మరో హీరో కావడంతో జయకృష్ణ డెబ్యూపై ఇప్పటికే ఇండస్ట్రీలో భారీ అంచనాలు నెలకొన్నాయి.
