‘మిరాకిల్’ చేసేందుకు సిద్ధమైన హెబ్బా పటేల్

దిశ, సినిమా: సైదా ఫ్యామిలీ ఎంటర్టైన్మెంట్ బ్యానర్ పై రమేష్ ఎగ్గిడి, శ్రీకాంత్ మొగదాసు, చందర్ గౌడ్ సంయుక్తంగా నిర్మిస్తున్న ఔట్ అండ్ ఔట్ యాక్షన్ ఎంటర్టైనర్ ‘మిరాకిల్’(Miracle). ప్రభాస్ నిమ్మల (prabhas nimmala)దర్శకత్వంలో ప్రతిష్టాత్మకంగా రూపొందుతున్న ఈ చిత్రంలో హాట్ బ్యూటీ హెబ్బా పటేల్ (Hebba Patel)హీరోయిన్‌గా నటించనుంది. తాజాగా, మూవీ మేకర్స్ ఆమెను స్వాగతిస్తూ.. ఓ ప్రకటన విడుదల చేశారు. రణధీర్ భీసు (Randhir Bheesu)హీరోగా నటిస్తున్న ఈ చిత్రం ఇప్పటికే రెండు షెడ్యూల్స్ పూర్తి చేసుకోగా.. ఫిబ్రవరి 24 నుంచి హైదరాబాద్ పరిసర ప్రాంతాల్లో జరగనున్న మూడో షెడ్యూల్‌లో హెబ్బా జాయిన్ కాబోతున్నట్లు మేకర్స్ వెల్లడించారు. ఈ సందర్భంగా.. నిర్మాతలు మాట్లాడుతూ.. సత్యా గ్యాంగ్, ఫైటర్ శివ చిత్రాలతో దర్శకుడిగా తన సత్తా చాటుకున్న ప్రభాస్ నిమ్మల తన మూడో చిత్రంతో ‘మిరాకిల్’ చేయబోతున్నారు. హెబ్బా పటేల్ గ్లామర్, సీనియర్ హీరోలు శ్రీరామ్, సురేష్ పోషిస్తున్న కీలక పాత్రలు, ‘మిరాకిల్’ చిత్రానికి ముఖ్య ఆకర్షణలు కానున్నాయి’’ అని అన్నారు.