విడాకుల తర్వాత హన్సిక ఎమోషనల్ పోస్ట్.. ‘ఎప్పుడూ ధైర్యంగా ఉండాలి’ అంటూ మెసేజ్!

దిశ, సినిమా: టాలీవుడ్, కోలీవుడ్ ప్రేక్షకులకు సుపరిచితమైన హీరోయిన్ హన్సిక మోట్వానీ తన వ్యక్తిగత జీవితానికి సంబంధించి ఒక కీలక నిర్ణయం తీసుకున్నారు. గత కొంతకాలంగా సాగుతున్న ప్రచారానికి తెరదించుతూ, హన్సిక తన భర్త, వ్యాపారవేత్త సోహైల్ ఖతురియా అధికారికంగా విడిపోయారు. మార్చి 11న కోర్టు వీరికి విడాకులు మంజూరు చేసింది. హన్సిక, సోహైల్ ఇద్దరూ పరస్పర అంగీకారంతోనే విడాకుల కోసం దరఖాస్తు చేసుకున్నారని సమాచారం. కేవలం నాలుగేళ్ల వివాహ బంధం తర్వాత వీరు విడిపోవడం అభిమానులను షాక్‌కు గురిచేసింది. అయితే, ఈ సెటిల్‌మెంట్‌లో హన్సిక ఎటువంటి భరణం గానీ, మెయింటెనెన్స్ గానీ కోరకపోవడం గమనార్హం. కేవలం గౌరవప్రదంగా, శాంతియుతంగా ఈ బంధం నుంచి బయటకు రావడమే ఆమె ఉద్దేశమని హన్సిక లాయర్ అద్నాన్ షేక్ వెల్లడించారు.

ఇక విడాకులు ఖరారైన తర్వాత హన్సిక తన ఇన్‌స్టాగ్రామ్ స్టోరీలో ‘Chardi Kala always’ అనే పంజాబీ కోట్‌ను షేర్ చేశారు. అంటే ఎలాంటి కష్టాల్లో ఉన్నా ఎప్పుడూ పాజిటివ్‌గా, ధైర్యంగా ఉండాలని దీని అర్థం. తన జీవితంలో కొత్త అధ్యాయాన్ని ప్రారంభించడానికి సిద్ధంగా ఉన్నానని ఆమె పరోక్షంగా ఈ పోస్ట్ ద్వారా తెలియజేశారు. డిసెంబర్ 2022లో జైపూర్‌లోని ముందోటా కోటలో అత్యంత వైభవంగా వీరి వివాహం జరిగింది. పారిస్‌లోని ఈఫిల్ టవర్ వద్ద సోహైల్ చేసిన ప్రపోజల్ అప్పట్లో ఇంటర్నెట్‌లో సెన్సేషన్ క్రియేట్ చేసింది. కానీ, ఆ అందమైన ప్రేమకథ ఇప్పుడు విడాకులతో ముగిసింది. ప్రస్తుతం హన్సిక తన ప్రొఫెషనల్ కెరీర్‌పై ఫోకస్ పెట్టారు.

అవతలి వ్యక్తి కోసం నన్ను నేను తగ్గించుకున్నా.. ఇకపై ఎవరి కోసం మారే ప్రసక్తి లేదంటూ అనన్య షాకింగ్ కామెంట్స్