క్రేజీ రైడ్‌కు సిద్ధంగా ఉండండి.. శ్రీవిష్ణు కొత్త సినిమా నుంచి డబుల్ అప్డేట్స్ విడుదల

దిశ, సినిమా: కింగ్ ఆఫ్ ఎంటర్‌టైన్‌మెంట్ శ్రీ విష్ణు (Sree Vishnu)యూనిక్ అండ్ ఎక్సయిటింగ్ సబ్జెక్ట్స్ చేస్తూ ప్రతి సినిమాతో ప్రేక్షలకు అద్భుతమైన ఎంటర్‌టైన్‌మెంట్ అందిస్తున్నారు. ప్రస్తుతం కొత్త దర్శకుడు యదునాథ్ మారుతీ రావు (Yadunath Maruti Rao)దర్శకత్వంలో యూనిక్ ఎంటర్టైనర్ చేస్తున్నారు. ఈ చిత్రాన్ని శ్రీ సుబ్రహ్మణ్యేశ్వర సినిమాస్ బ్యానర్‌పై ప్రొడక్షన్ నంబర్ 3గా సుమంత్ నాయుడు జి నిర్మిస్తున్నారు. ఈ రోజు సినిమా టీం ఒక యానిమేషన్ వీడియో ద్వారా సినిమా టైటిల్‌ను అనౌన్స్ చేశారు. ఈ వీడియో సినిమా నేపథ్యాన్ని కూడా ఆసక్తికరంగా పరిచయం చేస్తుంది. అర్బన్ సెటప్‌లో సాగే ఈ గ్లింప్స్‌లో, కస్టమ్ యెల్లో మోటార్‌సైకిల్‌పై నగర వీధుల్లో దూసుకెళ్తున్న శ్రీ విష్ణు మొదటి ఫ్రేమ్ నుంచే అలరించారు.

ఈ సినిమాకు ‘విష్ణు విన్యాసం’(vishnu vinyasam) అనే ఆసక్తికరమైన టైటిల్‌ను ఖరారు చేశారు. టైటిల్ రివీల్‌కు “No Brakes – Just Laughs” అనే క్యాచీ ట్యాగ్‌లైన్‌ మరింత అలరించింది. "చరిత్ర, సంఖ్యా శాస్త్రం, జ్యోతిష్యం అన్నీ అతని కోసమే కనుగొనబడ్డాయి” అంటూ వినిపించే ప్లేఫుల్ వాయిస్‌ఓవర్‌ ప్రేక్షకుల్లో మరింత క్యూరియాసిటీని పెంచుతుంది. క్రేజీ రైడ్‌కు సిద్ధంగా ఉండండి.. ‘విష్ణు విన్యాసం’ ఫిబ్రవరిలో థియేటర్స్ రానుందని వెల్లడించారు. ఈ చిత్రంలో నయన సారిక కథానాయికగా నటిస్తుండగా, సత్య, బ్రహ్మాజీ, ప్రవీణ్, మురళి శర్మ, శ్రీకాంత్ అయ్యంగార్, సత్యం రాజేష్, శ్రీనివాస్ వడ్లమాని, గోపరాజు రమణ వంటి ప్రముఖ నటీనటులు కీలక పాత్రల్లో కనిపించనున్నారు.