ఇందులో ప్రతి సీన్ హిలేరియస్‌గా ఉంటుంది.. సినిమా సంక్రాంతి ఫీస్ట్ లాగా ఉండబోతుంది.

దిశ, సినిమా: చార్మింగ్ స్టార్ శర్వా(Sharwanand) పర్ఫెక్ట్ సంక్రాంతి ఎంటర్‌టైనర్ ‘నారి నారి నడుమ మురారి’(Nari Nari Naduma Murari)తో అలరించబోతున్నారు. జనవరి 14న గ్రాండ్ థియేట్రికల్ రిలీజ్ కానుంది. సామజవరగమన ఫేమ్ కామెడీ మాస్ట్రో రామ్ అబ్బరాజు(Ram Abbaraju) దర్శకత్వం వహించిన ఈ చిత్రం టీజర్, మొదటి రెండు పాటల ద్వారా భారీ అంచనాలను పెంచింది. అడ్వెంచర్స్ ఇంటర్నేషనల్ ప్రైవేట్ లిమిటెడ్ సహకారంతో ఎకె ఎంటర్‌టైన్‌మెంట్స్ బ్యానర్‌పై రామబ్రహ్మం సుంకర నిర్మించిన ఈ చిత్ర ట్రైలర్ ఈరోజు విడుదలైంది. ఆత్రేయపురంలో జరిగిన ట్రైలర్ లాంచ్ ఈవెంట్ లో హీరో శర్వా మాట్లాడుతూ.. ఇది నాకు చాలా ఇష్టమైన ఊరు. శతమానం భవతి ఎక్కడే చేశాను. దాదాపు మూడు నెలలు ఇక్కడే ఉన్నాను. మీ అందరి ప్రేమాభిమానానికి ధన్యవాదాలు. నేను మంచి సినిమాలు చేస్తానని నమ్మకం ఆడియన్స్ లో ఉండటం నాకు ఎంతో ఆనందాన్ని ఇస్తుంది. ఇది మీ అందరిని హ్యాపీగా నవ్వించాలని తీసిన సినిమా.

అన్నిట్లోకి అద్భుతమైనది నవ్వు. ప్రతి ఇంట్లో నవ్వు ఎప్పటికీ ఇలానే ఉండాలి. అందరూ కూడా మా సినిమాకు వచ్చి ఆనందంగా నవ్వితే అదే మాకు పండగ. అది మీరందరూ మాకు ఇచ్చే కానుక. ఇది చాలా క్లీన్ ఫిలిం. మంచి కథని చాలా హ్యూమరస్‌గా చెప్పడం జరిగింది. ఈ మూవీ నాకు చాలా నచ్చింది. మీకు కూడా నచ్చుతుందని కచ్చితంగా నమ్ముతున్నాను. ఈ సినిమా టికెట్ ధరలని మేము పెంచడం లేదు. అందరికీ అందుబాటులో ఉన్న ధరలే ఉంటాయి. అందరూ హ్యాపీగా వెళ్లి చూడండి. అందరికీ హ్యాపీ సంక్రాంతి’’ అని అన్నారు. హీరోయిన్ సంయుక్త మాట్లాడుతూ.. అందరికీ నమస్కారం. ట్రైలర్ మీ అందరికీ నచ్చినందుకు చాలా హ్యాపీ. థియేటర్లో ఫ్యామిలీతో పాటు అందరూ ఎంజాయ్ చేసేలాగా ఈ సినిమా ఉంటుంది. డైరెక్టర్గారు ఈ సినిమాని కంప్లీట్ ఎంటర్టైనర్‌గా ప్యాక్ చేశారు. నాకు దియా అనే క్యారెక్టర్ ఇచ్చినందుకు థాంక్యూ. ఇందులో ప్రతి సీన్ హిలేరియస్‌గా ఉంటుంది. సినిమా సంక్రాంతి ఫీస్ట్ లాగా ఉండబోతుందని చెప్పింది.

READ MORE .....

ఒత్తిడిని దూరం చేసి, హాయిగా నవ్వించేలా మా సినిమా ఉంటుంది.