మోహన్ బాబు 7వేల ఎకరాలు కొన్నారా.. అసలు నిజాలు బయటపెడుతూ కమెడియన్ షాకింగ్ ట్వీట్!
మంచు ఫ్యామిలీకి సంబంధించిన గొడవలు రోజు రోజుకు పెరుగుతున్నాయి. తప్ప తగ్గడం లేదు.
దిశ, సినిమా: మంచు ఫ్యామిలీకి సంబంధించిన గొడవలు రోజు రోజుకు పెరుగుతున్నాయి. తప్ప తగ్గడం లేదు. ఒకప్పుడు తండ్రీ కొడుకులు ఒకరిపై ఒకరు కేసు పెట్టుకునే వరకు వెళ్లింది. మంచు మనోజ్ (manchu manoj), విష్ణు ఇద్దరు ఆస్తుల గురించి గత కొద్ది కాలంగా గొడవలు పడుతున్న విషయం తెలిసిందే. ఇక దీనికి ఆజ్యం పోసేలా సోషల్ మీడియాలో ఓ వీడియో వైరల్ అవుతూ అందరినీ ఆశ్చర్యానికి గురి చేస్తోంది. మంచు విష్ణు డ్రీమ్ ప్రాజెక్ట్గా రాబోతున్న ‘కన్నప్ప’(Kannappa) సినిమా షూటింగ్ చేస్తున్న న్యూజిల్యాండ్లోని ఏడు వేల ఎకరాలు మోహన్ బాబు కొన్నట్లు చెప్పారు. ఇక ఈ వీడియో చూసిన నెటిజన్లు పలు రకాలుగా స్పందిస్తున్నారు. తాజాగా, ఈ విషయంపై కమెడియన్ బ్రహ్మాజీ ఓ ట్వీట్తో క్లారిటీ ఇచ్చారు.
‘‘నేను శ్రీ మోహన్ బాబు(Mohan Babu) గారు, విష్ణు మంచుతో పోస్ట్ చేసిన ఆ వీడియో చాలా సరదాగా ఉంది. మేము ఎప్పటిలాగే నవ్వుకుంటూ ఉన్నాము. మేము న్యూజిలాండ్లో 7000 ఎకరాలు కొనడం, పర్వతాలను కూడా సొంతం చేసుకోవడం గురించి జోక్ చేసాము. మోహన్ బాబు గారు పూర్తి హాస్య రూపంలో ఉన్నారు. నేను ఎప్పటిలాగే వారిని ఇబ్బంది పెట్టాను. కానీ అకస్మాత్తుగా ప్రజలు అది నిజమని నమ్మడం ప్రారంభించారు. న్యూజిలాండ్లో 7000 ఎకరాలు కొనడం అంత సులభం అయితే, నేను అక్కడ షూటింగ్ చేసేవాడిని కదా.
జోకులు వార్తల్లో బ్రేకింగ్స్గా మారుతున్నాయి. వాటికి నేను క్లారిటీ ఇస్తాను. ఎవరూ భూమిని కొనుగోలు చేయలేదు. ఇదంతా హాస్యాస్పదంగా చేసిందే. న్యూజిలాండ్ పౌరులు భూమిని అమ్మరు. కన్నప్ప విడుదలకు దగ్గరలో ఉన్నప్పుడు మనమందరం ఉత్సాహంగా ఉందాము. దయచేసి హాస్యాన్ని అంత సీరియస్గా తీసుకోకండి’’ అని రాసుకొచ్చారు. ఇక ఈ ట్వీట్ చూసిన నెటిజన్లు పలు విమర్శలు చేస్తున్నారు. అదంతా మంచు ఫ్యామిలీ ట్రాప్ అని ట్వీట్ రాసి మరీ మీకు పంపారా అని కామెంట్లు పెడుతున్నారు. అంటే అదంగా నిజమేనని నెటిజన్లు నమ్ముతున్నారు.
