దేవీ అగ్నిపర్వతాన్ని సృష్టించాడు.. హరీష్ శంకర్ పోస్ట్‌తో ‘ఉస్తాద్ భగత్‌సింగ్’పై భారీ హైప్

దిశ, సినిమా: హరీష్ శంకర్(Harish Shankar), పవన్ కళ్యాణ్(Pawan Kalyan) అనగానే ‘గబ్బర్ సింగ్’ రేంజ్ మాస్ ఎంటర్‌టైన్‌మెంట్ గుర్తొస్తుంది. మళ్ళీ అదే మ్యాజిక్‌ను ‘ఉస్తాద్ భగత్ సింగ్’(Ustad Bhagat Singh)తో రిపీట్ చేయడానికి చిత్ర బృందం సిద్ధమైంది. ముఖ్యంగా దేవిశ్రీ ప్రసాద్ (DSP) సంగీతం ఈ సినిమాకు మెయిన్ పిల్లర్‌గా నిలవబోతోంది. తాజాగా.. ఈ సినిమాలోని రెండో పాట రికార్డింగ్ పూర్తయిన సందర్భంగా హరీష్ శంకర్ పెట్టిన పోస్ట్ వైరల్ అవుతోంది. దర్శకుడు హరీష్ శంకర్ తన సోషల్ మీడియాలో “ఆరా ఆఫ్ ఉస్తాద్” (Aura of Ustaad) అనే క్యాప్షన్‌తో ఒక క్రేజీ ఫోటోను షేర్ చేశారు.

ఇందులో హరీష్ శంకర్, ఆస్కార్ విజేత చంద్రబోస్ కలిసి దేవిశ్రీ ప్రసాద్‌ను ఎత్తుకుని సెలబ్రేట్ చేసుకుంటూ కనిపించారు. పాట విన్న తర్వాత హరీష్ శంకర్ మాట్లాడుతూ.. ‘‘దేవి తన మ్యాజిక్‌తో ఒక అగ్నిపర్వతాన్ని సృష్టించాడు. దానికి చంద్రబోస్ తన పదాలతో పవర్ ఇచ్చారు’’ అని ఎమోషనల్ అయ్యారు. పవన్ కళ్యాణ్ ఎనర్జీకి తగ్గట్టుగా ఒక అదిరిపోయే మాస్ బీట్‌ను DSP అందించారని ఆయన స్పష్టం చేశారు.దీంతో ‘ఉస్తాద్ భగత్‌సింగ్’ అంచనాలు పెరిగిపోతున్నాయి. ఈ సినిమా నుంచి ఇప్పటికే విడుదలైన ‘దేఖ్ లేంగే సాలా’ సాంగ్ యూట్యూబ్‌ను షేక్ చేస్తుండగా.. ఇప్పుడు ఈ రెండో పాటపై అంచనాలు భారీగా పెరిగాయి. ఈ చిత్రాన్ని మార్చి 26, 2026న ప్రపంచవ్యాప్తంగా విడుదల చేయడానికి మైత్రీ మూవీ మేకర్స్ ప్లాన్ చేస్తున్నారు. ఇందులో పవన్ కళ్యాణ్ సరసన శ్రీలీల, రాశీ ఖన్నా హీరోయిన్లుగా నటిస్తున్నారు.