Bigg Boss-9: బంపర్ ఆఫర్ అందుకున్న కన్నడ బ్యూటీ.. కంటెస్టెంట్‌గా ఎంట్రీ ఖాయం అయిపోయిందిగా!

దిశ, సినిమా: ఇప్పటికే 8 సీజన్లు పూర్తి చేసుకోగా.. 9వ సీజన్ ఎప్పుడెప్పుడు స్టార్ట్ అవుతుందా అని అంతా ఎదురుచూస్తున్నారు. తెలుగు రియాలిటీ షో బిగ్‌బాస్ త్వరలో ప్రేక్షకులను అలరించనుంది. ఇక ఈ షోలో ఈ సారి సామాన్యులు కూడా ఎంట్రీ ఇవ్వబోతున్నారు. సెప్టెంబర్ 5న ప్రారంభం కాబోతున్న ఈ షోకు.. వెళ్లేందుకు సామాన్యులు తెగ కష్టపడుతున్నారు. కొద్ది రోజులుగా అగ్ని పరీక్ష అనే పేరుతో రాబోతున్న షోలో సెలెక్షన్స్ పేరుతో జరుగుతున్న టాస్కుల్లో పాల్గొంటున్నారు. ఈ షోలో శ్రీముఖి(Srimukhi), యాంకర్‌గా వ్యవహరిస్తుండగా.. బింధు మాధవి(Bindhu Madhavi), నవదీప్(Navdeep), అభిజిత్ జడ్జెస్‌గా చేస్తున్నారు.

ఈ షో అంతా హాట్ స్టార్‌లో స్ట్రీమింగ్ అవుతోంది. ఇదిలా ఉంటే.. తాజాగా, కన్నడ బ్యూటీ హౌస్‌లోకి వెళ్లబోతున్నట్లు పలు వార్తలు వైరల్ అవుతున్నాయి. ముద్దమందారం సీరియల్‌తో ఫుల్ పాపులారిటీ దక్కించుకున్న తనుజా గౌడ(Tanuja Gowda) ఎంట్రీ దాదాపు ఖాయం అయినట్టు సమాచారం. ఇక ఈ విషయం తెలుసుకున్న నెటిజన్లు బిగ్‌బాస్ టీమ్‌పై విమర్శలు చేస్తున్నారు. కాగా, తనూజ ముద్దమందారంతో పాటు పలు చిత్రాల్లోనూ నటించి ఫుల్ ఫేమ్ తెచ్చుకుంది. ఆ తర్వాత నాగభైరవి సీరియల్‌తో పాటు పలు షోస్‌లోనూ పాల్గొని సందడి చేసింది. అలాగే ఆమె బుల్లితెర హీరో పవన్‌తో డేటింగ్ చేస్తుందనే రూమర్స్ కూడా వచ్చాయి. ఈక్రమంలోనే తనూజ స్పందించి క్లారిటీ ఇచ్చింది. తను మంచి ఫ్రెండ్ అని చెప్పింది.