‘వచ్చిందయ్య వయ్యారి’.. ‘భగవంత్ కేసరి’ నుంచి షూటింగ్‌ టైం ఫన్ వీడియో
దిశ, సినిమా: నందమూరి బాలకృష్ణ, అనిల్ రావిపూడి కాంబోలో వస్తున్న నయా మూవీ ‘భగవంత్ కేసరి’. ఈ సినిమా రిలీజ్ దగ్గరపడటంతో జోరుగా ప్రచారం చేస్తున్నారు మేకర్స్. ఈ క్రమంలోనే తాజాగా మూవీ సెట్స్‌లో తీసిన షూటింగ్‌ టైం ఫన్ వీడియోను సోషల్ మీడియాలో షేర్ చేశారు. పోలీస్ స్టేషన్‌లో ‘వచ్చిందయ్య వయ్యారి’ అనే సరదా డైలాగ్‌తో మొదలైన ఈ వీడియో అభిమానులను తెగ అలరిస్తోంది. బాలకృష్ణ సెట్స్‌లో చాలా సరదాగా ఉంటారని, ఆయనతో షూటింగ్‌ అంటే డైరెక్టర్‌, నటీనటులకు కూడా సరదా ఆటలాగా సాగిపోతుందని తాజా వీడియోతో తెలిసిపోతుంది. ఇక భగవంత్ కేసరి ఫన్ ఎలిమెంట్స్‌తో వినోదాత్మకంగా సాగనుందని ఈ వీడియోతో క్లారిటీ ఇచ్చేశాడు డైరెక్టర్‌. సెన్సార్‌ బోర్డ్‌ జీరో కట్స్‌తో ఈ చిత్రానికి క్లీన్ యూ/ఏ సర్టిఫికెట్‌ను జారీ చేయగా.. అక్టోబర్‌ 19న ప్రపంచవ్యాప్తంగా గ్రాండ్‌గా విడుదలకానుంది.
Next Story
