మమ్మల్ని ఆశ్చర్యపోయేలా చేశాడు.. స్టార్ కిడ్‌పై ప్రశంసలు కురిపించిన బాబీ డియోల్

దిశ, సినిమా: బాలీవుడ్ స్టార్ హీరో షారుఖ్ ఖాన్ (Shahrukh Khan)తనయుడు ఆర్యన్ ఖాన్(Aryan Khan) ఇండస్ట్రీకి ఎంట్రీ ఇస్తున్న సంగతి తెలిసిందే. కానీ హీరోగా కదండోయ్ దర్శకుడిగా ప్రేక్షకులను అలరించబోతున్నాడు. ‘బా**డ్స్ ఆఫ్ బాలీవుడ్’ (Bo**ds of Bollywood)అనే వెబ్ సిరీస్ తెరకెక్కిస్తున్నాడు. ఈ సిరీస్‌లో బాబీ డియోల్, లక్ష్య, సహేర్ బాంబా నటించారు. అలాగే రాజమౌళి కూడా ఇందులో కనిపించడం గమనార్హం. రెడ్ చిల్లీస్, నెట్‌ఫ్లిక్స్ జాయింట్ వెంచర్ సంయుక్తం నిర్మించాయి. అయితే ఈ సిరీస్ సెప్టెంబర్ 18 నుంచి నెట్‌ఫ్లిక్స్‌లో స్ట్రీమింగ్ కాబోతుంది. ఈ నేపథ్యంలో..

తాజాగా, ఓ షోలో పాల్గొన్న బాబీ డియోల్ ఆర్యన్ ఖాన్‌పై ప్రశంసలు కురిపించాడు. ‘‘అతను పెరుగుతున్నప్పుడు నేను కొన్ని సార్లు కలిశాను. ఆర్యన్ దర్శకుడు అవుతాడనే అంశం రాకముందే నేను ఇటీవల అతనితో సంభాషించాను. ఈ అబ్బాయి నన్ను అతనితో కలిసి పనిచేయడానికి పిలుస్తాడని ఊహించలేదు. ఆర్యన్ నా కొడుకుతో సమానం.. నిజంగా కష్టపడి పనిచేశాడు. అతను షూటింగ్ సమయంలో ప్రతి నటుడిలోని ఉత్తమ లక్షణాలను ఎలా బయటకు తీసుకువచ్చాడో ఈ సిరీస్‌లో మీరు గ్రహిస్తారు.

సెట్‌లో మమ్మల్ని చాలా కష్టపడి పనిచేసేలా చేశాడు. కొన్ని సమయాల్లో, మేము ఎందుకు అంతగా చేస్తున్నామో అని మేము ఆశ్చర్యపోయాము. కానీ మేము ముందుకు సాగుతున్న కొద్దీ, అది మనలోని ఉత్తమ లక్షణాలను బయటకు తీసుకువస్తుందని మేము గ్రహించాము. దర్శకుడిగా ఆర్యన్ అద్భుతమైనవాడని నేను భావిస్తున్నాను. అతనికి ఉన్న నమ్మకం ప్రతి దర్శకుడికి ఉండటం చాలా ముఖ్యం. అతను 20 ఏళ్ల వయసులో ఉన్నాడు.. కానీ చాలా అనుభవం ఉంది. మీ ఊహలకు మించి ‘బాడ్స్ ఆఫ్ బాలీవుడ్’ ఉండబోతుంది’’ అని చెప్పుకొచ్చాడు.