Anurita Jha: ఆ ప్రాజెక్ట్ నా జీవితాన్ని నాశనం చేసింది.. చాలా నష్టపోయా

దిశ, సినిమా: ‘గ్యాంగ్స్ ఆఫ్ వస్సేపూర్’ తర్వాత తన జీవితంలో చెత్త దశను ఎదుర్కొన్నానంటోంది యంగ్ బ్యూటీ అనురితా ఝా. 2012 అనురాగ్ కశ్యప్ దర్శకత్వంలో వచ్చిన ‘గ్యాంగ్స్ ఆఫ్ వస్సేపూర్’ సెకండ్ పార్ట్‌లో షామా పర్వీన్ పాత్రను పోషించిన నటి.. ఈ క్యారెక్టర్‌కు మంచి మార్కులు పడటంతో మొదటిసారి విజయం రుచి చూసినట్లు అనిపించిందని చెప్పింది. అలాగే ప్రజలు తనును మెచ్చుకోవడంతో తన కెరీర్ మలుపు తిరిగినట్లే భావించానని తెలిపిన బ్యూటీ.. ‘ఈ ప్రాజెక్ట్ చేయడం వల్ల 2013-16 మధ్య కాలంలో ఆర్థికంగా చాలా నష్టపోయాను. ఎందుకంటే ఆ పాత్రనుంచి బయటపడటానికి చాలా టైమ్ పట్టింది. అదే మూడ్‌లో చాలా అవకాశాలు రిజెక్ట్ చేశా. ఒకరకంగా చెప్పాలంటే ఆ సినిమా వల్ల మానసికంగా దెబ్బతిన్నాను. అనేక అనారోగ్య సమస్యలతో సతమతమయ్యాను. చివరగా నేనే స్వయంగా కథలను డీల్ చేయడం మొదలుపెట్టాను’ అంటూ ఆసక్తికరంగా మాట్లాడింది.

Also Read: Shilpa Shetty : బికినీలో సూపర్ సెక్సీగా కనిపించిన శిల్పాశెట్టి