Anupama Parmeshwaran: సైకాలజికల్ థ్రిల్లర్‌తో భయపెట్టేందుకు సిద్ధమైన అనుపమ పరమేశ్వరన్

దిశ, సినిమా: సౌత్ ఇండియాలో స్టార్ ఇమేజ్ సొంతం చేసుకున్న అనుపమ పరమేశ్వరన్(Anupama Parameswaran), ఇప్పుడు ఒక ఇంటెన్స్ సైకాలజికల్ థ్రిల్లర్ మూవీకి సైన్ చేశారు. ఎస్ కే గీ ఎంటర్టైన్మెంట్ , బెంచ్‌మార్క్ స్టోరీటెల్లర్స్ సంయుక్తంగా ఈ చిత్రాన్ని నిర్మిస్తున్నాయి. ఆర్జే షాన్ (RJ Shaan) దర్శకత్వం వహించనుండగా.. శివిన్ నారంగ్, ప్రేరణ అరోరా, కిరణ్ బల్లపల్లి నిర్మాతలుగా వ్యవహరించనున్నారు. గతంలో అనుపమ, దర్శకుడు ఆర్జే షాన్ కాంబినేషన్‌లో వచ్చిన షార్ట్ ఫిల్మ్ డిజిటల్ ప్లాట్‌ఫామ్‌పై సూపర్ హిట్ అయ్యింది. ఇప్పుడు అదే కాంబో బిగ్ స్క్రీన్‌పై రచ్చ చేసేందుకు సిద్ధమైంది. అనుపమ పుట్టినరోజు సందర్బంగా ఈ ప్రాజెక్ట్‌ను అధికారికంగా ప్రకటించిన మేకర్స్, సినిమా షూటింగ్‌ను మే నెలలో ప్రారంభించనున్నట్లు తెలిపారు.

త్వరలోనే ఈ మూవీ టైటిల్‌ను కూడా అనౌన్స్ చేయనున్నారు. ‘కార్తికేయ 2’, ‘రాక్షసుడు’ వంటి చిత్రాలతో థ్రిల్లర్ జానర్‌లో తనకంటూ ఒక ముద్ర వేసుకున్న అనుపమ, ఈ సినిమాతో మరోసారి ప్రేక్షకులను భయపెట్టిస్తూనే అలరించబోతోంది. నిర్మాత ప్రేరణ అరోరా గతంలో రుస్తుం, టాయిలెట్: ఏక్ ప్రేమ్ కథ, ప్యాడ్ మ్యాన్, పరి వంటి విజయవంతమైన చిత్రాలతో జాతీయ స్థాయి గుర్తింపు పొందారు. ఇక ఇప్పుడు అనుపతో మూవీ చేయబోతుండటంతో.. అందరిలో ఆసక్తి నెలకొంది. అనుపమ విషయానికి వస్తే.. ప్రేమమ్, కార్తికేయ 2, రాక్షసుడు వంటి హిట్ సినిమాలతో తెలుగు, తమిళ, మలయాళ భాషల్లో మంచి క్రేజ్ సంపాదించుకుంది. ప్రస్తుతం వరుస సినిమాలతో ఫుల్ బిజీ బిజీగా గడుపుతోంది.