‘‘మరో చిన్న ప్రాణం రాబోతోంది’’.. రానా భార్య ఎమోషనల్ పోస్ట్

దిశ, సినిమా: బాలీవుడ్ స్టార్ హీరోయిన్ సోనమ్ కపూర్ (Sonam Kapoor)ఇంట ప్రస్తుతం పండుగ వాతావరణం నెలకొంది. వ్యాపారవేత్త ఆనంద్ అహుజా(Anand Ahuja)తో వైవాహిక జీవితాన్ని ఆస్వాదిస్తున్న సోనమ్, త్వరలోనే రెండోసారి తల్లి కాబోతుంది. ఈ క్రమంలో.. తాజాగా, ముంబైలోని ఆమె నివాసంలో శ్రీమంతం వేడుక అత్యంత వైభవంగా జరిగింది. అయితే ఈ వేడుకల్లో సోనమ్ కపూర్ కుటుంబ సభ్యులతో పాటు బాలీవుడ్ ప్రముఖులు ఈ వేడుకకు హాజరై సోనమ్‌కు శుభాకాంక్షలు అందజేశారు. సోనమ్ అత్తగారు ప్రియా అహూజా తన కోడలికి హారతి ఇస్తున్నఫొటోలు, సోనమ్-ఆనంద్ దంపతులు కలిసి పూజ చేస్తున్న పిక్స్ ప్రస్తుతం సోషల్ మీడియాలో వైరల్ అవుతున్నాయి. ఇక ఈ వేడుకలో టాలీవుడ్ హీరో దగ్గుబాటి రానా భార్య మిహీకా బజాజ్(Miheeka Bajaj) ప్రత్యేక ఆకర్షణగా నిలిచింది. సోనమ్ కపూర్ కుటుంబంతో మిహీకాకు చిన్నప్పటి నుంచే విడదీయరాని అనుబంధం ఉంది.

ఈ సందర్భంగా సోనమ్‌తో కలిసి దిగిన ఫోటోలను షేర్ చేస్తూ మిహీకా ఎంతో ఎమోషనల్ అయింది. ‘‘చిన్నప్పుడు నేను నీ వెంటే తిరిగేదాన్ని.. ఇప్పుడు నీ పిల్లలు కూడా నీ వెంటే తిరుగుతుంటే చూడాలని ఉంది. మీరు ఇంత అందమైన జీవితాన్ని నిర్మించుకోవడాన్ని దగ్గరుండి చూడటం నాకు చాలా ప్రత్యేకం. మీ జీవితంలో మొదలవుతున్న ఈ కొత్త అధ్యాయానికి బోలెడంత ప్రేమ. నేను ఎంతగానో ప్రేమించే కుటుంబంలోకి మరో చిన్న ప్రాణం రాబోతోంది’’ అంటూ మిహీకా మురిసిపోయింది. సందడిగా సాగిన ఈ వేడుకలో భూమి పెడ్నేకర్, మసాబా గుప్తా, అనుపమ్ ఖేర్ వంటి ప్రముఖులు సందడి చేశారు. సోనమ్ సోదరి అన్షులా కపూర్ ఈ వేడుకకు సంబంధించిన మరిన్ని ఆసక్తికరమైన ఫోటోలను నెట్టింట పంచుకున్నారు. నిత్యం సోషల్ మీడియాలో యాక్టివ్‌గా ఉండే సోనమ్, తన బేబీ బంప్ ఫోటోలతో ఇప్పటికే ఫ్యాన్స్‌ను అలరిస్తుండగా, తాజా సీమంతం వేడుక ఫొటోస్ చూసి నెటిజన్లు ఆమెకు కంగ్రాట్స్ చెబుతున్నారు.

మా గుండె నిండిపోయింది.. కవల పిల్లల పుట్టుకపై ఉపాసన ఎమోషనల్ పోస్ట్!