ఇద్దరు పిల్లలకు తల్లిగా యాంకర్ రష్మీ.. క్యూరియాసిటీ పెంచుతున్న హారర్ థ్రిల్లర్ మూవీ పోస్టర్
బుల్లితెర యాంకర్ రష్మీ గౌతమ్(Rashmi Gautam) జబర్దస్త్ షో ద్వారా మంచి షాలోయింగ్ సంపాదించుకుంది.
దిశ, సినిమా: బుల్లితెర యాంకర్ రష్మీ గౌతమ్(Rashmi Gautam) జబర్దస్త్ షో ద్వారా మంచి షాలోయింగ్ సంపాదించుకుంది. ఆ తర్వాత నటనపై ఆసక్తిగా హీరోయిన్ కావాలన్న కోరికతో ఇండస్ట్రీకి ఎంట్రీ ఇచ్చింది. అలా గుంటూరు కారం, నెక్ట్స్ నువ్వే, బొమ్మ బ్లాక్ బస్టర్(Bomma Blockbuster), హాస్టల్ బాయ్స్ వంటి చిత్రాల్లో నటించి మెప్పించింది. అలాగే కొన్ని సినిమాల్లో గెస్ట్ అప్పియరెన్స్ ఇచ్చిన రష్మీ క్యారెక్టర్ ఆర్టిస్ట్గా నటించి ప్రేక్షకులను అలరించింది. కానీ పెద్దగా ఫేమ్ రాబట్టుకోలేకపోయింది. మళ్లీ బుల్లితెరకు ఎంట్రీ ఇచ్చి వరుస షోలు చేస్తోంది. ఇదిలా ఉంటే.. రష్మి చాలా రోజుల తర్వాత ఇప్పుడు ఓ హారర్ థ్రిల్లర్ సినిమాతో రాబోతున్నట్లు అధికారిక ప్రకటన విడుదలైంది.
కానీ ఈ సారి హీరోయిన్గా కాదు ఇద్దరు పిల్లలకు తల్లిగా నటించనున్నట్లు సమాచారం. ప్రదీప్ పల్లి(Pradeep Palli), యాంకర్ రష్మీ ప్రధాన పాత్రలో నటిస్తున్న లేటెస్ట్ మూవీ ‘వైతరణి’(vaitharani). ఈ చిత్రానికి అఖిల్ బాబు(Akhil Babu) దర్శకత్వం వహిస్తున్నారు. ఈ సినిమాకు సంబంధించిన ఫస్ట్ లుక్ పోస్టర్ను చిత్రబృందం రిలీజ్ చేసింది. హారర్ థ్రిల్లర్గా రాబోతున్న ఈ మూవీలో ప్రదీప్, రష్మీతో పాటు ఇద్దరు పిల్లలు, మరో ఇద్దరు వ్యక్తులు కనిపించారు. చుట్టూ శవాలు కనిపిస్తుండగా.. మధ్యలో వీరంతా టెన్షన్ పడుతూ ఉన్నారు. ప్రస్తుతం ఈ పోస్టర్ ప్రేక్షకుల్లో క్యూరియాసిటీని పెంచుతోంది.
