మెగాస్టార్ చిరంజీవిని రెచ్చగొట్టొద్దు: నాగబాబు ఇన్ డైరెక్ట్ వార్నింగ్

దిశ, వెబ్‌డెస్క్: మెగాస్టార్ చిరంజీవి వినయంగా ఉన్నారని రెచ్చగొడితే.. మెగా ఫ్యాన్స్ తిరగబడుతారని ఆయన సోదరుడు, యాక్టర్ నాగబాబు కీలక వ్యాఖ్యలు చేశారు. సోమవారం నాగబాబు మెగా అభిమాన సంఘాలతో చిట్ చాట్ నిర్వహించారు. ఈ సందర్భంగా ఆయన పలు ఆసక్తికర వ్యాఖ్యలు చేశారు. ఇప్పటికి చిరంజీవిపై ఈగ వాలనీయని అభిమానులు ఆయనకు ఉన్నారని అన్నారు. చిరంజీవి పట్ల నిర్లక్ష్యంగా ఉన్న ఓ నేతను చూశామని.. కానీ ఒకప్పడు అదే వ్యక్తి పూలుజల్లి తీసుకెళ్లాడని పేర్కొన్నారు. నీకు రాజ్యాంగం అధికారం ఇచ్చి ఉండొచ్చు.. కానీ చిరంజీవికి కోట్లాది మంది అభిమానముందని అన్నారు. కాగా, నాగబాబు ఇన్ డైరెక్ట్‌గా వార్నింగ్ ఇచ్చిన నేత ఎవరా అని చర్చించుకుంటున్నారు.