సూర్య ఫ్యాన్స్‌కు సర్‌ప్రైజ్.. ‘కరుప్పు’ థర్డ్ సింగిల్ అప్డేట్ ఇచ్చిన మూవీ మేకర్స్

దిశ, సినిమా: కోలీవుడ్ స్టార్ హీరో సూర్య, విలక్షణ దర్శకుడు ఆర్జే బాలాజీ కాంబినేషన్‌లో వస్తున్న భారీ యాక్షన్ ఎంటర్‌టైనర్ ‘కరుప్పు’. గ్రామీణ నేపథ్యంలో సాగే ఇంటెన్స్ డ్రామాగా తెరకెక్కుతున్న ఈ సినిమాపై అంచనాలు ఆకాశాన్ని తాకుతున్నాయి. తాజాగా ఈ మూవీ నుంచి ఒక క్రేజీ అప్‌డేట్ రాబోతున్నట్లు సోషల్ మీడియాలో పలు పోస్టులు వైరల్ అవుతున్నాయి. ‘కరుప్పు’ సినిమా నుంచి ఇప్పటివరకు విడుదలైన పోస్టర్లు, టీజర్, రెండు పాటలు ఇప్పటికే సూపర్ హిట్ అయ్యాయి. ఇక ఇప్పుడు ఈ చిత్రం నుంచి మూడో సాంగ్ విడుదలకు సిద్ధమైనట్లు తెలుస్తోంది. ఏప్రిల్ 14న (తమిళ నూతన సంవత్సరం సందర్భంగా) ఈ పాటను విడుదల చేయబోతున్నట్లు చిత్రబృందం ప్రకటించారు. ఓ పోస్టర్ విడుదల చేస్తూ.. ‘‘బ్లాస్ట్ చేసేందుకు సిద్ధంగా ఉండండి’’ అనే క్యాప్షన్ జత చేసి అంచనాలను పెంచారు.

కాగా.. దీనికి ర్యాప్ భాగాన్ని ప్రముఖ ర్యాపర్ పాల్ డబ్బా అందించారు. మ్యూజిక్ డైరెక్టర్ సాయి అభ్యంకర్ తన పాటల్లో మొదటిసారి ర్యాప్ ఎలిమెంట్‌ను చేర్చడంతో, ఈ సాంగ్ ఎలా ఉండబోతుందో అని అభిమానుల్లో ఆసక్తి నెలకొంది. సూర్య మార్క్ యాక్షన్ ఎపిసోడ్స్ ఈ సినిమాకు మెయిన్ హైలైట్ కాబోతున్నాయట. ఇక సూర్య సరసన స్టార్ బ్యూటీ త్రిష హీరోయిన్‌గా నటిస్తుండటంతో ఈ జంటను స్క్రీన్ పై చూడాలని ఫ్యాన్స్ ఎదురుచూస్తున్నారు. ఈ చిత్రాన్ని తెలుగులో ‘వీరభధ్రుడు’ అనే పవర్ ఫుల్ టైటిల్‌తో విడుదల చేయబోతున్నారు. డ్రీమ్ వారియర్ పిక్చర్స్ బ్యానర్‌పై ఎస్.ఆర్. ప్రకాష్ బాబు, ఎస్.ఆర్. ప్రభు ఈ చిత్రాన్ని ప్రతిష్టాత్మకంగా నిర్మిస్తున్నారు. ప్రస్తుతం షూటింగ్ శరవేగంగా జరుపుకుంటున్న ఈ సినిమా మే 14న ప్రపంచవ్యాప్తంగా థియేటర్లలోకి రాబోతోంది.