నీకు ఏ పొజీషన్ అంటే ఇష్టం అంటూ నెటిజన్ అసభ్యకర కామెంట్.. స్ట్రాంగ్‌గా ఇచ్చిపడేసిన హీరోయిన్

దిశ, సినిమా: టాలీవుడ్‌లో క్యారెక్టర్ ఆర్టిస్టుగా కెరీర్ మొదలుపెట్టి క్రమంగా ఫుల్ ఫేమ్ దక్కించుకున్న యంగ్ బ్యూటీ కామాక్షి భాస్కర్ల(Kamakshi Bhaskarla). ‘వీరూపాక్ష’ (Virupaksha)సినిమాతో బ్లాక్‌బస్టర్ హిట్ అందుకోవడంతో ఆమె రేంజ్ ఒక్కసారిగా మారిపోయింది. ఆ తర్వాత ‘మా ఊరి పొలిమేర’(Maa Oori Polimera) సినిమాతో హీరోయిన్‌గా మారి ప్రేక్షకులను ఆకట్టుకుంది. ఈ మూవీ సూపర్ హిట్ కావడంతోనే దానికి సీక్వెల్ కూడా తెరకెక్కించగా.. అది కూడా ఘన విజయం సాధించింది. వరుస హిట్స్‌తో కామాక్షికి అవకాశాలు భారీగా పెరిగాయి. అయితే, ఆ తర్వాత చేసిన కొన్ని సినిమాలు ఆశించిన స్థాయిలో ఆడకపోయినా.. కామాక్షి క్రేజ్ మాత్రం తగ్గలేదు. బాక్సాఫీస్ ఫలితాలతో సంబంధం లేకుండా ఆమెకు అవకాశాలు వరుసగా వస్తూనే ఉన్నాయి. ప్రస్తుతం ‘డెకాయిట్’ అనే చిత్రంతో ప్రేక్షకుల ముందుకు రావడానికి సిద్ధమవుతోంది. ఇదిలా ఉండగా, సోషల్ మీడియాలోనూ యాక్టివ్‌గా ఉంటూ అభిమానులతో నేరుగా ముచ్చటిస్తోంది.

ఈ క్రమంలో ఓ నెటిజన్ హద్దులు దాటి అసభ్యకరమైన ప్రశ్న వేయడంతో.. కామాక్షి ఏమాత్రం వెనకడుగు వేయకుండా గట్టి సమాధానం ఇచ్చింది. “నాకు ఇష్టమైన పొజిషన్ ఏంటో అడుగుతున్నారు. నిజాయితీగానే చెబుతాను. నాకు గౌరవం లభించే, ప్రశాంతంగా ఉండే, నా నిర్ణయాలపై నాకు నియంత్రణ ఉండే స్థానమే నాకు ఇష్టం. విశ్వాసం అనేది ఆధిపత్యం చూపించడం కాదు.. మన స్పష్టతను అర్థం చేసుకోవడమే” అంటూ స్ట్రాంగ్ కౌంటర్ ఇచ్చింది. ప్రస్తుతం ఈ వీడియో సోషల్ మీడియాలో వైరల్‌గా మారింది. సాధారణంగా ఇలాంటి ప్రశ్నలను హీరోయిన్లు పట్టించుకోకుండా వదిలేస్తారు. కానీ కామాక్షి ధైర్యంగా, హుందాగా స్పందించడంతో నెటిజన్లు ఆమెను ప్రశంసలతో ముంచెత్తుతున్నారు. ఆమెకు సపోర్ట్‌గా నిలుస్తూ కామెంట్లు పెడుతున్నారు.

Read More..

సిగరెట్ కాల్చితూ, మందు కొడుతూ బాలీవుడ్ హీరోయిన్ల రచ్చ !