లవ్ సాంగ్ షూటింగ్‎ను ప్రారంభించిన ఎమ్మెల్యే

దిశ, నారాయణఖేడ్: మారుమూల ప్రాంతంలో ఉన్న కళాకారులను తాము ఎల్లప్పుడూ ప్రోత్సాహిస్తామని నారాయణఖేడ్ ఎమ్మెల్యే ఎం.భూపాల్ రెడ్డి అన్నారు. సంగారెడ్డి జిల్లా నారాయణఖేడ్‎లోని షెట్కార్ ఫంక్షన్ హాల్‎లో బుధవారం ఎస్‎కేఎస్ సంస్థ ఆధ్వర్యంలో ప్రేమ కోసం తపించే యువతి, యువకుల ప్రేమ సాంగ్‎ను ఎమ్మెల్యే క్లాప్ కొట్టి ప్రారంభించారు. అనంతరం ఎమ్మెల్యేను ఎస్‎కేఎస్ సంస్థ వెంకట్ సన్మానించారు. ఈ కార్యక్రమంలో ఎస్ఐ సందీప్, దర్శకుడు రాజ్ కుమార్, రచయిత మహారాణి సురేష్, నటీనటులు పాల్గొన్నారు. ఈ సందర్భంగా ఎమ్మెల్యే భూపాల్ రెడ్డి మాట్లాడుతూ.. నారాయణఖేడ్ ప్రాంతంలో కళాకారులు ఉండడం అభినందనీయమని కొనియాడారు.