నా ఫోన్ ట్యాప్ చేస్తున్నారు.. రాజాసింగ్ సంచలన వ్యాఖ్యలు

దిశ, వెబ్‌డెస్క్ : తన ఫోన్‌ను తెలంగాణ ప్రభుత్వం ట్యాపింగ్ చేస్తోందని గోషామహల్ ఎమ్మెల్యే రాజాసింగ్ సంచలన ఆరోపణలు చేశారు. ఎమ్మెల్యేలతో పాటు మంత్రుల ఫోన్ కాల్స్, వాట్సాప్ కూడా ట్యాప్ చేస్తున్నదని ఆరోపించారు. మంత్రి హరీశ్ రావు వాట్సాప్ చాటింగ్ కూడా ట్యాపింగ్‌కు గురైందని, ఆ విషయం ఆర్థిక మంత్రికి కూడా తెలుసునన్నారు. బీజేపీ రాష్ట్ర కార్యాలయంలో మీడియాతో మాట్లాడిన రాజాసింగ్.. రాష్ట్రంలో బండి సంజయ్ పాదయాత్రతో మిగతా పార్టీల్లో భయం పట్టుకుందన్నారు. అందువల్లే అధికారపార్టీ తమ ఫోన్ కాల్స్ ట్యాపింగ్‌కు పాల్పడుతోందని రాజాసింగ్ ఫైర్ అయ్యారు.