సీఎంఆర్ఎఫ్ చెక్కును పంపిణీ చేసిన ఎమ్మెల్యే

దిశ, కోడెర్ : మండల పరిధిలోని నార్యనాయక్ తండాకు చెందిన ఇ.రజిత గారికి సీఎం సహాయనిధి కింద మంజూరైన రూ.60,000/- ల చెక్కును శుక్రవారం ఎమ్మెల్యే బీరం హర్షవర్ధన్ రెడ్డి గారు అందచేశారు. ఈ సందర్భంగా ఎమ్మెల్యే మాట్లాడుతూ.. నిరుపేద కుటుంబాలకు ఆపద్భాందవుడు సీఎం కేసీఆర్ గారు, సీఎం సహాయనిధి కింద అందించే సాయాన్ని సద్వినియోగం చేసుకోవాలని, ఆపద సమయాల్లో వైద్య ఖర్చుల నిమిత్తం సీఎం సహాయనిది ఆపద్బంధు‌గా ఆదుకుంటుందని పేర్కొన్నారు. అలాగే ప్రాణాపాయ స్థితిలో ఉన్న నిరుపేదలను కాపాడేందుకు తెలంగాణ ప్రభుత్వం ముఖ్యమంత్రి సహాయనిధి కింద చికిత్సకు తగిన ఆర్థిక సాయం బాధితులకు అందిస్తోందన్నారు. ఈ కార్యక్రమంలో ఎమ్మెల్యే గారితో పాటు ప్రజాప్రతినిధులు, టీఆర్ఎస్ నాయకులు తదితరులు పాల్గొన్నారు.