దత్తత గ్రామంలో ఎమ్మెల్యే సునీత సోడియం స్ప్రే.

దిశ, న‌ల్ల‌గొండ‌

కరోనా వైరస్ నియంత్రణలో భాగంగా యాదగిరిగుట్ట మండలం మాసాయిపేటలో బ్లీచింగ్ పౌడర్, సోడియం హైపో క్లోరైడ్ మిశ్రమాన్ని ఫైరింజన్ సాయంతో ప్రభుత్వ విప్, ఆలేరు ఎమ్మెల్యే గొంగిడి సునితా మహేందర్ రెడ్డి మంగ‌ళ‌వారం స్ప్రే చేశారు. ఈ గ్రామాన్ని ఆమె దత్త‌త తీసుకుని , వీధివీధినా ప‌ర్య‌టించి.. సోడియం ద్రావాణాన్ని పిచికారి చేశారు. క‌రోనా నేపథ్యంలో లాక్‌డౌన్ విధించినందున ఉపాధి కోల్పోయిన ప్రజలకు రేప‌టి నుంచి ప్ర‌భుత్వం ఉచితంగా బియ్యం, న‌గ‌దు పంపిణీ చేస్తోంద‌ని ఆమె తెలిపారు. కావున ఈ అవ‌కాశాన్ని ప్ర‌జ‌లు సద్వినియోగం చేసుకోవాల‌ని సూచించారు. ఆమె వెంట‌ ఉమ్మడి నల్లగొండ జిల్లా డీసీసీబీ చైర్మన్, టెస్కాబ్ వైస్ చైర్మన్ శ్రీ గొంగిడి మహేందర్ రెడ్డి, స‌ర్పంచ్ వంటేరు సురేష్‌రెడ్డి, మాజీ స‌ర్పంచ్ న‌ర్సింగ్‌రావు, నాయ‌కులు భాస్క‌ర్‌రెడ్డి ఉన్నారు.

Tags: carona virus, minister sunitha spray, lockdown, dont come out side