రాష్ట్రస్థాయి టెన్నికాయిట్ పోటీలకు మెదక్ జట్టు

అండర్-17 బాలుర బాలికల విభాగానికి సంబంధించిన ఉమ్మడి మెదక్ జిల్లా టెన్నికాయిట్ జట్టు రాష్ట్రస్థాయి పోటీల్లో పాల్గొనేందుకు సిద్దిపేట నుంచి ఇవాళ బయల్దేరింది. పోటీలు మహబూబ్‌నగర్ జిల్లాలో ఫిబ్రవరి 8 నుంచి 10 వరకు జరగనున్నాయి. ఈ సందర్భంగా జట్టు సభ్యులకు మెదక్ జిల్లా ఆర్గనైజింగ్ కార్యదర్శి భిక్షపతి పలు సూచనలు చేశారు. జిల్లాకు మంచి పేరు తీసుకురావాలనీ, జాతీయస్థాయికి ఎంపికవ్వాలని ఆయన ఆశాభావం వ్యక్తం చేశారు. ఈ జట్టుకు కోచ్‌లు‌గా అనంతచారి, ప్రవీణ్ వ్యవహరించనున్నారు. క్రీడాకారులకు సిద్దిపేట జిల్లా టెన్నికాయిట్ అసోసియేషన్ అధ్యక్షులు ఫక్రుద్దీన్ రూ.1000 ఆర్థిక సహాయాన్ని అందించారు.