సూర్యాపేటలో ఘోర ప్రమాదం.. పెళ్లింట విషాదం

దిశ, వెబ్‌డెస్క్: పెళ్లి ఇంట తీవ్ర విషాదం నెలకొంది. వివాహానికి బయల్దేరిన పెండ్లి బృందం తీవ్ర గాయాలతో ఆస్పత్రి పాలయ్యారు. ఈ ఘటన సూర్యాపేట జిల్లా అర్వపల్లి మండలం బొల్లంపల్లిలో జరిగింది. ఇదే గ్రామానికి చెందిన గద్దగూటి శ్రీహరి ఏకైక కూతురు శిరీషాకు.. శాలిగౌరరం మండలం ఊట్కూరుకు చెందిన గుడిసె గణేష్‌తో ఈ రోజు పెండ్లి జరగాల్సి ఉంది. ఈ నేపథ్యంలోనే స్వగ్రామం నుంచి పెళ్లి బృందం ఊట్కూరుకు బొలెరో వాహనంలో బయల్దేరారు. సరిగ్గా జాజిరెడ్డి గూడెం వద్దకు రాగానే అదుపుతప్పిన వాహనం బోల్తా పడింది. ఈ ప్రమాదంలో మొత్తం 30 మందికి తీవ్రగాయాలు అయ్యాయి. మరో ముగ్గురి పరిస్థితి విషమంగా ఉంది. క్షతగాత్రులు స్థానిక ఆస్పత్రిలో చికిత్స పొందుతున్నారు.