పోలీస్ స్టేషన్ ముందు వ్యక్తి ఆత్మహత్యాయత్నం

దిశ, వెబ్ డెస్క్: ఖమ్మం జిల్లా కారేపల్లి మండలం రేలకాయల పల్లి గ్రామానికి చెందిన యువకుడు మృతిపై పోలీసులు న్యాయవిచారణ చేయడంలో ఆలస్యం చేస్తున్నారని గ్రామస్తులు పోలీస్ స్టేషన్‌ను ముట్టడించారు.

ఓ వ్యక్తి ఒంటిపై కిరోసిన్ పోసుకుని ఆత్మహత్యాయత్నానికి పాల్పడ్డాడు. దీంతో పోలీసులు అతనిని అడ్డుకున్నారు. కొద్దిసేపు పోలీస్ స్టేషన్ ఎదుట ఉద్రిక్త పరిస్థితి నెలకొంది. కేసు విచారణ కొనసాగుతోందని పోలీసులు తెలపడంతో గ్రామస్తులు ఆందోళన విరమించారు.