భారీ రేటుకు అమ్ముడుపోయిన ‘మేజర్’

దిశ, సినిమా : 26/11 ముంబై టెర్రర్ అటాక్‌లో అమరులైన మేజర్ సందీప్ ఉన్నికృష్ణన్ జీవితకథ ఆధారంగా తెరకెక్కుతున్న చిత్రం ‘మేజర్’. అడవి శేషు టైటిల్ రోల్ ప్లే చేస్తున్న సినిమాకు శశికిరణ్ దర్శకత్వం వహిస్తుండగా.. జీఎంబీ ఎంటర్‌టైన్మెంట్, ఏ ప్లస్ ఎస్ మూవీస్, సోనీ పిక్చర్స్ సంయుక్తంగా నిర్మిస్తున్నాయి. కాగా తెలుగు, హిందీ, మలయాళం భాషల్లో తెరకెక్కుతున్న ఈ మూవీ హిందీ వెర్షన్ శాటిలైట్ రైట్స్ రూ. 10 కోట్లకు అమ్ముడుపోయాయని తెలుస్తోంది. సాయి మంజ్రేకర్, శోభితా ధూళిపాల, ప్రకాష్ రాజ్, రేవతి ప్రధానపాత్రల్లో నటిస్తున్న సినిమాకు సంబంధించిన తెలుగు, మలయాళం వెర్షన్ శాటిలైట్స్ డిటెయిల్స్ త్వరలో ప్రకటించనున్నట్లు సమాచారం.