తెలుగు వెలుగు

తెలుగు వెలుగు

తెలుగు తెలుగు తెలుగు

అక్షరాల తెలుగు

జిలుగు జిలుగు జిలుగు

ఇది పరిఢవిల్లు పులుగు

అడుగు అడుగు అడుగు

అది సరళానికి ముందడుగు

వ్యవహారిక పిడుగు గిడుగు

గురజాడల వడివడి అడుగు

తెలుగుకు మణి తొడుగు

వెలుగు వెలుగు వెలుగు

దేవరాయ లెస్స తెలుగు

విశ్వనాథ విశ్వ తెలుగు

కాళోజీ కలల తెలుగు

శ్రీనాధుని పద్య తెలుగు

రామదాసు కృతులు తెలుగు

చిన్నయసూరి కథలు తెలుగు

మధుర కవన మొల్ల తెలుగు

కూచిపూడి ఆట తెలుగు

కృష్ణా గోదావరి తుంగభద్ర

బిర బిర బిర ప్రవాహ ఝరులు

చెర చెర చెర 'చేరా'లు

గల గల గల పారే అక్షర సిరులు

మనసు దోచు సరిగమల స్వరులు

ఆది కవి నన్నయ అక్షరాలు

అన్నమయ్య త్యాగయ్యల పదసడులు

పోతన భాగవత బాండాగారాలు

ఘంటసాల గానాలు సాలూరు రాగాలు

ఆత్రేయ పురాలు దాశరథి శరాలు

వట్టికోట వరాలు రాబోవు తరాలు

మనవే మనవే మనవేనోయ్..!

డా. కటుకోఝ్వల రమేశ్

9949083327