కనిపించని 'కుల' గాయం

కొన్ని గోడలు

ఇటుకలతో కట్టబడవు,

మనసుల మధ్య

నిశ్శబ్దంగా పెరుగుతాయి.

కొన్ని దారులు

అందరికీ ఒకేలా కనిపించినా,

అందరి అడుగులను

ఒకేలా ఆహ్వానించవు.

ఈ గాయం చర్మంపై కనిపించదు,

కానీ నేటి మనుషుల్లోనూ

మౌనంగా మండుతూనే ఉంటుంది.

ఇదే కనిపించని ' కుల' గాయం.

చదువు పెరిగినా..

సాంకేతిక యుగం వచ్చినా..

కృత్రిమ మేధా దూసుకుపోతున్నా..

'కుల' సామాజిక చీకట్లు మాయం కాలేదు.

రాజకీయాన్ని, వ్యాపారాన్ని శాసిస్తుంది,

విద్య, వైద్యంలో ప్రవేశించింది.

ఇది మనకు తెలియకుండానే

జరుగుతున్న ఓ ఆధిపత్య

'కుల' మాయజాలం.

'కుల' గాయాలు పోవాలంటే

బహుజనుల్లో చైతన్యం,

ఆధిపత్య కులాల్లో పరివర్తన రావాలి.

ఇవే 'కుల' గాయానికి విరుగుడు.

-సంపతి రమేష్

7989579428