తాళంచెవి..

‘ఇల్లు’ కన్న తలుపు చిన్నది

‘తలుపు’ కన్న తాళం చిన్నది

‘తాళం’ కన్న ‘తాళంచెవి’ చిన్నది

ఇంటి కంట్రోల్ చిన్న ‘కీ’ మాత్రమే

మన సుదీర్ఘ జీవితాన్ని నిర్ణయించేది..

చిన్న చిన్న తెలివైన కార్యాలే కదా !

చెట్టు కన్న కొమ్మ చిన్నది

కొమ్మ కన్న ఆకులు చిన్నవి

ఆకుల కన్న గింజలు చిన్నవి

బతకడం కన్న జీవించడం గొప్పది

తీసుకోవడం కన్న ఇవ్వడం గొప్పది

గింజలా పగిలి చెట్టై ఇవ్వడం గొప్పది !

స్నేహితులు నానా రకాలు..

ప్రతి ఏటా రాలిపోయే ‘ఆకులు’

గాలి వాటానికి విరిగే ‘కొమ్మలు’

కంటికి కనబడని లోతైన ‘వేర్లు’

చెట్టు ఉనికికి కారణమైన ‘గింజలు’

గింజల్లాంటి వాళ్లే కదా ప్రాణ మిత్రులు !

‘అనుమానం’ ఆనందాన్ని హరిస్తుంది

‘దురాశ’ దుఃఖ హేతువు అవుతుంది

‘నేను’ అనే గర్వం నిన్ను ఏకాకిని చేస్తుంది

‘షరతుల’తో జీవితం ఓటమిని ఇస్తుంది

‘ఈర్ష్య అసూయ’ దేహాన్ని చెదలై తింటుంది

‘నిష్కల్మష’ హృదయం ప్రశాంతత తెస్తుంది !

-మధుపాళీ

99497 00037