అస్త్రం

మెతుకు సారమంత పిండి

జ్ఞాన అక్షరముగా మలచి

నేల రాలిపడిన ప్రాణానికి

కలంతో శస్త్రచికిత్స చేసి

సందించే విప్లవ అస్త్రానిస్తున్నాను

కాళ్ళమీద రెక్కలతో

చెమట బిందువుల వాసనతో

నీ హక్కుల నెత్తురు కోసం

పతనమైన మనసుకు

శస్త్ర చికిత్స చేస్తవో..

ఉక్కుపాదంతో పిడికిలై ఉద్యమిస్తవో..

మానని గాయాలకు లేపనం పుస్తవో..

జీవితాంతం చేతులెత్తి

జై..కొడుతూ నమస్కరిస్తవో..

బానిసగా వుంటావో..

నువ్వే నిర్ణయించుకో!

-పగిడిపల్లి సురేందరు

80748 46063