రాతలు నుదుటి గీతలు

నువ్వు ఉన్నట్టు తెలియాలి

కాస్త కదలికనన్న చూపించాలి

లేకపోతే చచ్చిన శవమౌతావు

ఓటు కోసమైనా ఓటరు

గుర్తింపు కార్డులో

నీ బొమ్మ చూపించాలి

నిన్నటి వరకు నీ పేరు ఎల్లిగాడు

ఇప్పుడు డప్పుఎల్లయ్య

పేరు అడిగితే ఎల్లిగాడు అంటే చెల్లదు

ఆ ఒక్క రోజు డప్పుఎల్లయ్యవు

నీవే నని నీ పక్క వాళ్ళ అన్న చెప్పాలి

లేదంటే చెల్లని ఓటు అయిపోతావు

కులం కనిపించకున్నా నీ పేరే

నీ కులాన్ని గుర్తు చేస్తుంది

అంత బలంగా వేళ్లూనుకున్నాయి

ఏ రాతలు గీతలు చెరుపలేవు

ఆ రాతలే కొందరికి నుదుటి గీతలౌతాయి

తరతరాలకు తరగని నూకలౌతాయి

-గుండెల్లి ఇస్తారి

98499 83874