డియోలా చెట్టు

ఇంతింతై ఆకాశమంతైనట్లు

పెరుగుతోంది ప్రేమతో

పెంచుకున్న ఆమొక్క

ఆ చేతితో నాటింది

తనకందనప్పుడు ఆనందించింది.

తనకోసమేన్నప్పుడు స్నేహమైంది

గర్వంగా పొంగిపోయి

చెప్పుకున్న రోజులేనవి.

ఓ డియోలబాయ్ చెట్టదిగో

ఊరంతంటుంటే తలపై

వజ్ర కిరీటమనుకుంది పిలిచినప్పుడల్లా...

ప్రాణంలో ప్రాణమైపోయింది

శ్వాసలో ఆ చెట్టే ధ్యాసగా మారింది.

ఎన్ని రోజులని, ఎన్ని సంవత్సరాలనీ చెప్పలేము !

కడుపున మోస్తున్న బిడ్డకన్నాఎక్కువే.

రాత్రి ఆ వేళ్ల వేదన చెబుతోంది

నన్ను చంపింది చాలనంటూ...

నేనుండొద్దని మూర్ఖుడికి బలైపోతున్న,

నేను లేదంటున్న నిజాన్ని

నీవెలా జీర్ణించుకుంటావో మరి...?

నీవు చూడని,

నీవీ వేళకు రాని సమయంలో

నేననే ఈ "చెట్టు "పై...

ఆత్మీయత పెంచుకున్న డియోలా !

తలవార్చి ఏడ్చిన

ఆ కంటినీటికి సమాధానం లేదుగా ?

చెట్టుపై పెంచుకున్న ప్రేమకు గుర్తుగా

"డియోల చెట్టు" పై లోకం దృష్టి సారించింది !

అనిత చరణ్

94945 79069