కంచె

ముళ్ల కంచె

తమకు రక్షణగా ఉందని

నిశ్చింతగా

పచ్చని చెట్లు గాలికి

తలలూపుతూ ఆనందంతో

తోటంతా తామే అయి

చిందులు వేస్తున్నాయి

లేత మొగ్గలు

రంగు రంగుల పువ్వులు

ముగ్ధ మనోహరంగా తోటను

సుగంధ భరితం చేస్తున్నాయి

పాపం! ఆ పసి మొగ్గలకేం తెలుసు?

కాపాడుతుందనుకునే కంచే

తమను చిదిమేస్తుందని!

వావి, వరస

మనసు, మమత

అనే పదాలనే

తమ జీవిత నిఘంటు నుంచి

తొలగించేసిన

అమానవీయ కంచె

చేనును మేసేస్తోంది!

డాక్టర్ చెంగల్వ రామలక్ష్మి

63027 38678