కవిత్వం అంత అందం

అక్షరాలను పోగేసి..

నీకు అర్చన చేయాలా?

కవిత్వం అంత అందమైన నీపై

మళ్ళీ కవిత రాయాలా?

ఓ పిచ్చిదాన..

చలం మైదానంలోని

రాజేశ్వరి నీవే

యండమూరి వారి

వెన్నెల్లో ఆడపిల్ల నీవే

వేటూరి నవమల్లిక నీవే

సినారే వన్నెల దొరసానీ నీవే

కవితా లోకాన్ని తన్మయత్వం

చేస్తున్న ఓ సుందరాంగి..!

నీపై అక్షరాలను ఆరబోసి..

సింగారించే భాగ్యం నాకిచ్చావా?

ఇక ఏ కవిత రాయగలను..

ఆ అందాన్ని మించేలా?

ఇక ఏ మాట చెప్పగలను..

నీ అధరాలు మరింత ఎరుపెక్కేలా?

నేను బయట మాత్రమే కవిని చెలి

నీ ముందు మాత్రం

మాట రాని, మాటలు రాయలేని

ఓ మూగ ప్రేమకుడిని, నీ దాసున్ని!

- ఓ ప్రేమికుడు