అవును మనమేం చేయగలం?

బతికన్నంత కాలం ఇప్పటికే

సిద్ధంగా ఉన్న రథాన్ని ముందుకు

మరి కాస్తా తీసుకుపోవడమేగా!

బతుకంతా ప్రేమను గుమ్మరించి

ఈ బంధాన్ని నిలుపుకోవడమేగా

మనం చేయాల్సింది!

కాల మేఘం సృషించే తుపాన్లను

తిప్పితిప్పి వేసే రుతువుల తివాచీపై

మారని మనసును

నిలుపుకోవడమేగా చేయాల్సింది!

ధిక్కార స్వరం గుడ్లరిమి

చూడని..బాగుపడితే చాలని

అనుకోవడమేగా చేయాల్సింది!

నిందలు వేలెత్తి చూపినా

మారని దారిలో నవ్వుతూ

కదలదమేగా మనం చేయాల్సింది!!

తంగళ్లపల్లి కనకా చారి

87908 74028