తల్లి-తండ్రి- ఓ గుండెరాయి..

పాలిచ్చి పెంచినదట ఓ తల్లి...

అది ఒక కల, ప్రేమించి

పెంచుదామనుకున్నాడట ఓ తండ్రి...

అది ఒక వ్యధ, రెండింటికి నోచుకోని

ఆ పిల్లాడి జీవితం..

ఓ కరుడుగట్టిన గుండె కథ!

పొత్తిళ్లలో లాలించిన తల్లి,

మరి యే వత్తిళ్లల్లో వాడిని వదిలేసిందో...

మందు మత్తులో చిందేసిన తండ్రి,

యే మైకంలో, మరి యే

మందు రోగంతో వాడిని పాలించాడో...

జీవితాన్ని మ్రానుగా చేసి,

మర్రిచెట్టు ఊడలా వలసవెల్లిన ఓ తండ్రి...

గుడ్డిగా, జంటగా వెంట నడిచిన ఆ తల్లి...

చేతులు దులుపుకొని,

కంట తడి తెచ్చుకుని ఒక

పిల్లాడి భవిష్యత్తు అప్పగింతలు ...

ఆ తరువాత, బావిలో కప్పలై

కుప్పి గెంతుల బ్రతుకు తంతులు .

తల్లి దైవం, తండ్రి దైవం అనే సుద్దులు

ఇపుడు ఆ పిల్లాడికి హాస్యాస్పదాలు..

అనుక్షణం మదిలో మెదిలే

విలయరూప తాండవాలు..

అస్సలు ఆ గుండెరాయికి ఇప్పుడు

కని, పెంచిన తల్లితండ్రే లెక్కల్లో లేరు

లెక్కల్లో రారు... కూడా...

ఇక కనిపించని దైవ పదార్థం ఒక లెక్కా.

- ప్రవీణ్ శ్రీ

90100 29002